ألف مبروك الفوز
ان شاء الله فوزنا هذا يخلي روما و اودونيزي يلعبون تحت ضغط كبير
و ان شاء الله هالضغط يكون ايجابي لـ مصلحتنا و يتعثرون هالاثنين و نرجع حنا للمركز الرابع
الشوط الاول كان شوط ميـت من كل الطرفيـن
لاتسيـو متخوف لا يجي عليه هدف من هجمة مرتده بشكل مفاجئ
و جنوى كان واضح ان المباراة ما تهمـه فـ كانوا يطقطقون باصات بالدفاع و الوسط
ما كان في اي تهديد مباشر على الحارسين في الشوط الاول
اللا الهدفين في بداية المباراة و بعض الفرص اللي ابعدوها الدفاع
الشوط الثاني بدايتـه كانت نفس الوضـع
لكن بعد هدف روكي عادت الحياة الى لاتسيـو
والفريق استعاد الثقـة و ابتعد الخوف و خفت الضغوطات
وشفنا الفريق يلعب كرة جميله و انهى المباراة بـ رباعية حلوه
الكابيتانـو روكـــي .. يلوموني فيـــك يا بـو الـرووووكـ
كل ما كنا في اصعب الظروف هو ينقذنـا
مهاجم كبير و راااااااااائع و قادر يتعامل مع كافة الضغوطات بأعصاب بارده
اليوم كان هو نقطة القوة لنـا بـ تحركاته الطوليه و العرضيـه قدام دفاعات جنوى
يعرض و يصنع و يسحب المدافعيـن و كلل مجهوده بـ هدف يحمل توقيع اهدافه المعتاده
حتى في هدف هيرنانيس الرابع مع انه ما لمس الكرة اللا انه شارك في صناعة الهدف
سحب المدافعين و كان يأشر لـ التاتا تقدم بعد و التاتا فعلاً تقدم و لعبها لـ زاراتي اللي صنعها لـ هيرنانيس
الحلو ان الجمهور بالدقيقة 70 قعدوا يشجعون روكي و يهتفون بإسمـه و روكي يحييهم في نص المباراة ^_^
الدفاع كان ممتاز بتواجد ستينداردو و بيافا .. و ستينداردو عوض غياب دياز
ليشتر مستواه كان حليو و لو انه الى الآن سالفة العرضيات تغث منـه
غاريدو لعب مباراة حلوه و عوض مستواه المتواضع قدام اودونيزي
ليديسما لعب مباراة كبيرة .. و احس ان ليديسما مع ماوري هم اكثر اثنين بالفريق فاهمين لـ روكي
و عارفين روكي شنو الكرات اللي يحبهـا عشان ينفرد بالمرمى
و هالاداء الممتاز من ليديسما كأنه يبي يعوض حالة الطرد الساذجة منه قدام اليوفي
اما ماوري للأسف كان غايب بالمباراة تحركات لكن دون فعاليـه تذكر
حتى ماتوزاليم اداءه كان متواضع على غير العادة و خاصة من ناحية التمريرات اللي كانت اغلبها مقطوعه و خاطئة
زاراتي حاله حال بقية الفريق عادت له الروح و الثقة بعد هدف روكي و قدم مستوى حلو
و صنع هدف بشكل ممتاز لـ هيرنانيس و غلب على اداءه الجماعيـه اكثر من الفرديه
هيرنانيس الشوط الاول ما عجبني بصراحة .. اكثر من هجمة مرتده يطول فيه و ما يمرر
حتى بالشوط الثاني اداءه كان لك عليه لكن طلع بـ هدفين بالمباراة و هالشي يشفع له ^_^
البدلاء سكالوني و فلوكاري ما ظهروا كثير و ما غيروا بـ نسق المباراة
لكن التاتا دخوله كان ممتاز .. و انا توقعت انه راح يروح يمين و ماوري يرجع للنص
بس ريجا واصل بـ استمرار ماوري على الجهة اليمين و لعب التاتا كـ محور
و بصراحة قدم اداء حلو الفارو و عجبني بالمباراة و عوض الاداء السيء من ماتوزاليم
ان شاء الله اليوم تكتمل الفرحة بـ تعثر المنافسين لنا
و فوز ليتشي بعد عشان يضمن البقاء و تصير مباراتنا قدامهم تحصيل حاصل بالنسبه لهم