الفريق قدم مباراة ممتـازة في كل شيء
بإستثناء هز الشبـاك و هذا هو اهـم شيء
كالياري له ثلاث فرص فقـط
الاولى هدف اكوافريسكا
اللي من وجهة نظري اشوف ان خطأ دياز كان بالتردد منـه
الكورة واضح انها بالخارج بس قاعد تلف
اعتقادي ان دياز كان يبي يطوفها بس يوم شافها تلف حب يشتتها
و التردد هذا خله يتعثر و يطيـح و تدخل الكورة
الفرصة الثانيـة كانت بالدقيقة 77 للمهاجم البديل اللي دخل مكان اكوافريسكا
والفرصة الثالثة كانت فاول كونتي
غيره دفاعنا و محاورنا كانوا قامعين كالياري تماماً
من وجهـة نظري الخسارة يتحملها ريجـا و كـوزاك !
و هذا مجرد انتقاد بناء على هالمباراة و هالشي ما يعني انني ضد هالاثنيـن ابـد
طريقة لعب لاتسيـو كانت واضحه وضوح الشمس من الشوط الاول
وهو الاعتماد على العرضيات او الاعتماد على الكرات العاليـه من قبل بيافا الى كوزاك لـ بناء الهجمـة
و هالشيء تداركوه لاعبين كالياري و قفلوا على لاعبينا و انهوا خطورتهم الهجوميـة
بخصوص كوزاك هالمباراة ما توفق نهائي و كان عالـه لأنه صار يبحث عن الفاولات تحديداً بعد ما دخل علينا الهدف و كأنه ايـّس تماماً من انه يقدر يسوي شي
باحدى الهجمات و اتوقع تسديدة ليديسما كانت الكرة نازله لـ سكولي و الجول فاضي قدامي و الحارس طايـح
كوزاك تلقف على الكرة براسه بشكل سيء و سددها فوق .. حتى سكولي عصب عليه لأن الكرة كانت له
كأن كوزاك كان يلعب تحت ضغط فقدان المركز الاساسي بعد عودة فلوكاري
ريجا خطأه بإستمراره باللعب بنفس الطريقة و نفس الاسلوب .. لأن هالاسلوب و لعب الكرات العاليـه لـ كوزاك اعدم دور هيرنانيس تماماً !! الكورة من الدفاع او من الاظهره الى الهجوم !!
المفروض ساحب كوزاك و سكولي و التاتا و اشرك فلوكاري و زاراتي و بريشيانو و غير اللعب الى 4\3\1\2
لأن دفاع كالياري كان مرتاح مع كوزاك .. كانوا بسهوله يقطونه في مصيدة التسلل و كانوا بسهوله يضايقونه و يقعطون الكورة منـه
الاصرار على نفس طريقة اللعب و الاصرار على تواجد كوزاك حتى النهايـة
هذا هو خطأ ريجـا في هذه المبـاراة
ان شاء الله العوض بالمباريات الجايـه
و الخوف من باليرمو اللي راح يدخلون قدامنا بإستذباح بعد السباعية التاريخيه اللي اكلوها من اودونيزي