السلام عليكم ورحمة الله وبركاته
عادة لي احب أأخر ردي بـ تعليقي على المباراة
لأني اذا رديت بعد المباراة على طول بشخط في ام الفريق كلـه
الشي اللي مزعلني و مضايقني كثيـر ( و بعض الاخوان يقولون عادي اول مباراة ! )
الشي اللي يقهـر يا جماعـه ان المباراة كانت في منتناااااااول اليـــــــــد !
لاعبي السامب ضااااااايعيـن ولله كنا نقدر ناكلهـم بـ نتيجـة قويـه بعـد
بذكر تحليلي العام للمباراة بعدها بـ تكلم عن اللاعبيـن
ريجـا بدء المباراة بـ تشكيلة ممتـازة كنا الافضل طوال الشوط الاول بجداره
لعب و اداء و تهديد على المرمى .. فريقنا كااان ممتاز لأبعـد حـد
لكن على كثر خطورتنا على المرمى و هجماتنـا ما سجلنـا هـدف
منطقياً و بالعقل نعرف ان في مشكلة و علـه بالهجـوم !
يجي الشوط الثاني ! شوط المدربيـن .. المفروض على ريجـا انه عرف العلـه بالهجوم
فـ يقوم بـ تسحينهـا اما عن طريق اللاعبيـن الموجودين على ارض الملعـب او القيام بـ تبديل
يجي الشوط الثاني فريقنا على حالة قوي و ممتاز و بعد ركلـة الجزاء
الفريق يفقد تركيـزه بالكامل ! اللاعبيـن معصبين و متنرفزيـن و حالتهم حاله
و ابو الشباب مدري وش قايل للحكم و ينطرد !! امحق مدرب بدال لا تهدي لاعبينك
تقوم تنطرد بكبرك و تزيد النار حطب !!
نجي للتبديلات !
كافاندا مكان ديل نيرو !
ما ادري وش محل هالتبديل من الاعراب
بغض النظر عن المستوى الطيب اللي قدمـه كافاندا
ولكن هالتبديل ماله اللا جاوب واحد انه يبي كافاندا يتأقلم اكثر و اكثر مع اجواء الكالتشيـو
يا اخي هالتبديل مو وقتـه .. مو على حسـاب المباراة !!
هالتبديلات تسويها آخر ربع ساعـة اذا انت فايز بهدفين او اكثر !
التبديل الثاني
اخراج زاراتي ( صح ) دخول فوجيا ( غللللللللللللط )
زاراتي و فوجيا نفس الشيء ولله نفس الشي
ما يعرفون يلعبون بالعمق اغسل يدك يلعبون بالعمق
يركضون على الجناح و يحاولون يفرفرون و تنقطع منهم
مدري وش قصة ام هالتبديل .. يطلع لاعب و ينزل لاعب ( كوبي ) له
يعني ما في اي شي تغير ابـد نفس اللعب نفس النهج نفس ( العقم الهجومي )
التبديل الاخير آخر ربع ساعة
يطلع ليشتر ( صح لأن هالسويسري كان متنرفز حييييييل و زين ما ينطرد )
ولعب روكي ( صح بس وش عقبـه ! )
السامب اصبح مدافع جداً لأنهم يبون يحتفظون بالفوز
فـ قاموا يدافعون بشراسة و يغلقون مناطقهـم
يعني روكي و فلوكاري كان متوقع يواجهون صعوبات كثيرة لأن كل شي مسكر قدامهـم
\
\
موسليـرا
من نجوم المباراة .. شال كور كثيـرة و بعد الله سبحانه و تألق موسليرا يمكن كانت تكون النتيجة تاريخيـه على روسنـا
الخطأ اللي طاح فيـه يطيحون في كل حراس العالم .. و هو التقدم بالركنيـات
الكرة فلتت من موسليرا لأنه اصدم بواحد من لاعبيننا طاحت منه و سجلها جوبيرتي
رادو
للأسف كان مستواه مش ولا بـد !
كرات كثيرة كانت تضيع منـه و تورطنا !!
ما هي عوايـده
دياز
دياز هو دياز
قدم مباراة طيبــه يدافع صح و يغطي على ربعـه صح
بيافا
كان النجم الاول من جهـة لاتسيـو في المباراة
قبل المباراة كنت من الناس اللي متخوفين حيل لا يعيّد فينا بيافا
اللا انه رد علي و بقوة .. خنق كاسانو و خنق جوبيرتي لحالـه مع بعض المساعدات من ليديسما
حتى انه اجبـر كاسانو على التحول جهـة رادو لأن ما قدر يطوفـه
و يوم صار باتزيني مكان كاسانو جهـة بيافا .. بيافا قام و قمع باتزيني بعـد
استغربت من المواقع اللاتساليه حاطين تقييمات ضعيفه حيل لـ بيافا !!
ديل نيرو
قدم مباراة كبيـرة بالنسبـة الى ديل نيرو اللي نعرفه عنـه
بسبب انطلاقاتـه الهجوميـه خلا سيميولي يتراجع كثيـر
للأسف ما كان يلقى مسانده ( سليمـه ) من قبل زاراتي
و تبديله عليه الف علامـه استفهام ؟؟
ليشتستاينر
ضيع اهدااااااف كثيـــــرة هيرنانيس و فلوكاري يا كثر ما قشروا له كور
لكنه ما يعرف يشوت .. و احيان ما يعرف يتصرف فـ يفضل انه يطقها بـ احد مدافعي السامب عشان تصير كورنر !!
الشوط الاول كان اداءه الهجومي ممتاز جداً و لكن تقدمـه الكثير كان له ايجابيـه وحده و سلبيتين 2
الايجابيـه انه هجومـه الكثيـر قطع خطورة زيغلـر السويسري نهائيـاً
اما السلبيتان ان تقدمـه الكثير كان يفتح مجال لـ غوبيرتي و كاسانو بأخذ راحتهم للتحرك على طرفنا الايمـن
السلبيـه الثانيـة ان هجومـه الكثيـر ما كان له فايده كبيـرة للفريق !!!!
بالشوط الثاني كان اغبى لاعـب تسبب بـ ركلة جزاء مالها داعي
و كان معصب كثيـر و متنرفز .. و يحمد ربـه ما طرده الحكـم !
ماتوزاليم + ليديسمـا
قدموا مباراة طيبـه جداً و خصوصاً ليديسمـا قدم مباراة كبيـرة
انا ذكرتهم مع بعض لأني شفت شي غريـب بالملعـب
ماتوزاليم كان هو المحور الدفاعي و هو مايسترو الفريق اللي يمرر حق الاطراف و حق صانع اللعب هيرنانيس
بينما ليديسما كان هو المحور المتحرك فـ نشوفه يتقدم كثير و ينزل على الاطراف و يشوت من العمق
والشي اللي متعوديـن عليـه ان العكس ليديسمـا يكون المحور الدفاعي و ماتوزاليم هو اللي يتحرك
وللأسف ربحنا ليديسمـا بهالاداء فـ شفناه شعله من النشاط ( على الرغم انه بعد البلنتي قام يفتي بكذا كورة يقهرك فيها )
وللأسف خسرنا قوة ماتوزاليم الهجوميـه مع ان ماتوزاليم قدم مردود طيب جداً بحكم المطلوب منـه
لكن البرازيلي ما يبدع اللا اذا خليتـه على راحتـه
هيرنانيس
مباراة اولى كانت رائعـه جداً له قدم مستوى ممتاز جداً
تمريراتـه حلوه و تسديداتـه خطيـره و يحجز على كورته صح
ولو انه قهرني بالشوط الثاني كثيـــــــر .. في كم هجمـه لنـا و ربعـه فاتحيـن له
بس يقعد يسحب في مدافعي السامـب
تسحيباتـه كانت ناجحـه بس يا اخي العب لـ ربعـك بسرعـه درينا تعرف تعدي
زاراتي
للأسف الشديد كنت متوقع خيـر بـ زاراتي
خصوصاً بعد تصريحـه يوم يقول عرفت اين اخطأت
وخصوصاً بـ تواجد هيرنانيس كـ صانع العاب
لكن مثل ما يقول المثل ( الخيـط ما ينركز ! )
زاراتي هو زاراتي العام الماضي لا تغير و لا تعلم من اخطاءه و لا شيء
مناشب ديل نيرو على الجهـة اليسرى !
يا اخي خلك قريب من هيرنانيس
خلك قريب من فلوكاري
بالطريقة هاذي عزلت نفسـك تماماً
و عزلت ربعـك ايضـاً
ما راح تصيـر اي خطورة للهجوم اذا واصل زاراتي على نفس النهـج
كاسانو اللي هو كاسانو افضل مهاجم يميل على الطرف بالكالتشيو كلـه
امس ما بيـن كثير و خطورته كانت ضعيفـه لأن مدافعيننا حاشرينـه
لكن نجاح كاسانو باسلوبه هذا انه يمرر على طول
لكن زاراتي يبي يراوغ و يراوغ و يراوغ !!
فلوكاري
ولله ما احملـه اي شيء ما ينلام البومبر ابـد
نفس كلامي في الموسم الماضي لـ مهاجم رأس الحربـه
ما ينلام رأس الحربـة انه يكون بين 3 مدافعيـن من دون معاونـه تذكر !
هيرنانيس يحاول يساعد فلوكاري بس واضح انهم مو متفاهمين كثيـر
و زاراتي المفروض اللي يكون عارف زميله عدل ما عاونـه ابد و مخليـه بـ منطقـة الجزاء بلحالـه !
\
\
نهايـة حديثي ( ولله العظيم ) اذا استمر فريقنا في نفس النسق الهجومي ( البايخ )
( ولله العظيم ) معاناة الموسم الماضي راح تستمـر .. املي كله بـ قدوم اي مهاجم بس ريجا يغير قناعاته بالهجوم
ما اعلم الغيب لكن للأسف الكتاب باين من عنوانـه .. واذا الله عطانا عمـر بـ يتأكد كلامي للأسف دام هذا حال هجومنـا كل واحد بعيـد عن الثاني و بجهـة ثانيـة