وعليكم السلام ورحمــة الله وبركــاتــه هلا ومرحبـا ابـراهيـم و يعطيك العافيه على هالمساحـة البسيطـة عشان نتكلم فيها عن مباراة اليوم خصوصاً ان المباراة بالليـل يعني يمدينـا نسـولف على كيفنـا 1 - ماذا تتوقع من لاتسيو في اللقاء . . ؟ ؟ كل اللي ابيـه واتمنى توقعـه مستوى قوي مثل المباراتين اللي طافت وان شاء الفوز طبعـاً 2 - كيف سوف يدخل لاتسيو اللقاء . . متحفظ دفاعيا ؟ ؟ هل سوف يهاجم ميلان من بدايه اللقاء وبعد ذلك يعود للخلف . . ؟ ؟ للأسف هذا هو لاتسيـو و تحديداً في وسط الملعـب ( بانزينهم يخلص بسرعه ) فـ راح نشوفهم كالعادة يهاجمون من بداية المباراة وبعدها يرجعون للدفـاع لكن اكرر امنيتي انهم يلعبون مثل مباراة كالياري و سيينا الهجوم و الهجوم 3 - من وجه نظرك غيابات الميلان هل سوف تأثر عليهم بشكل كبير . . ؟ ؟ وكيف تتوقع ان يستغل ريجا هذه الغيابات ؟ ؟ اكيد الغيابات بـ تأثر كثيـر على الميلان بيرلو .. و قلوب الدفاع .. رونالدينهو صانع اللعب و باتو اللي يكمل الثلاثي الهجومي هذول هم قوة الميلان و راح يلعبون من دونها ومع ذلك الميلان قوي ريجـا لازم يستغل هالشي ويغطي قوة الميلان المتبقيـه ( انتونيني و سيدورف ) وممكن معاهم ( زامبوروتا او اباتي على حسب من راح يكون بالظهير الايمـن ) هذول الثلاثه هم مصدر قوة الميلان والسبب انهم قادرين على صناعـة اللعـب فـ اذا تم عزلهـم راح تعـزل الميـلان بالكامـل . 4 - روكي - زاراتي ام فلوكاري روكي ام زاراتي فلوكاري .. ؟ ؟ مثل ما قال ريجـا بالمؤتمر الصحفي الاخيـر ( روكي و فلوكاري ) والسبب انهم الثنائي الافضـل زاراتي للأسـف هذا الموسـم × !! وماهو زاراتي اللي العام وبهاذي المباراة تحديداً محتاجين لـ فلوكاري و روكـي للضغط على قلوب الدفاع في الميلان الضغيفـه سيلفا مدافع قوي ولكن عنده عيوب .. اما زميله فافالي اللي احبه حيل كبيـر بالعمـر وهو اساساً ظهيـر ايسـر فـ استغلال اللعب داخل العمق الدفاعي واللي يجيده روكي بشكل فوق الممتاز وفلوكـاري ايضـاً يخلينـا نختـار هذا الثنـائي ممكن زاراتي يلعب بالشوط الثاني عشان يشغل محاور الميـلان ويخليهم يتراجعون لأن طريقة لعب زاراتي معروفـه يترك الهجوم ويرجع لـ منتصف الملعب من جهـة الاطراف 5 -كيف سوف يكون الحد من خطوره ميـلان . . ؟ ؟ قلتها في نقطه سابقـة ( الاظهرة + مركز صانع اللعب ) يعني ( انتونيني و زامبو و سيدورف ) هذول هم قوة الميلان في ظل عالغيابات . لأنهم هم القادرين على صناعـة اللعـب .. فـ لو نشوف خصائص هونتيلار و بورييلو و انزاغي كلهم ما يبدعون اللا داخل منطقة الجزاء و باللعبات الهوائيـه فـ اذا ظغطنا من جهة الاجنحـة اللي عندنا ليشتر و كولاروف راح يتراجعون اظهرتهم وبالتالي يتم عزلهم من لعب اي كرات عرضية للهجوم اما سيدورف الخوف من تسديداتـه و تمريراتـه للمهاجميـن والدور هذا راح يكون على ليديسما اللي للأسف ماني واثق فيه كثير وما اعتقد انه راح ينجح في ايقاف سيدورف لحالـه الامل كله كالعادة بـ بروكي و ستينداردو لـ تغطيـه عيوب ليديسما وخصوصاً ( البطء الكبير فيه ) اما مهاجمي الميلان ماني خايف منهم كثيـر لأنهم ما يقدرون يلعبون اللا تجيهم الكور جاهزه مجهـزه .. ثنائي الهجوم ماهم مثل باتـو او رونالدينهو اللي يقدرون يصنعون و يسجلون والثقة في مدافعي فريقنا كبيرة في شل اي خطورة منهـم ويتبقى الباقي في شل سيدروف عن الحركة و الاظهرة الميلانيـه 6 - هل تتوقع ان يحدث لاتسيو المفاجاه ويفوز ع الميلان ؟ ؟ لاتسيـو ما فاز على ميلان في السان سيرو من 21 سنـه ياليـت تكـون المفاجأه منها نرتاح ونكسب نقـاط ومنها نفك هالعقـده وندق خشـم الميـلان ومنها نونـس رومـا واذا جا الديربي نكبس رومـا على ظهورهـم