عدنا يعطيك العافيـة يا حيـدر .. موضوع حلو ولكنك ظلمـت العديد فيــه فـ من أول خسـارة تـم الحكـم الفريـق كافـة بـ أنه سيء !! هذا في ظلم كبيــر يا الغالي حيـدر بالنسبـة لـ كرووز فـ هو لاعـب يفتـقده هجومنـا رأس حربـة صريـــح .. خطورتـه تكمـن في منطقـة الجزاء ولكن كروز بـ حاجـة لـ مساندة من زاراتي الاناني ومن الاطراف اللي ما يعرفون يعرضـون صـح فـ لذلك تقل خطورة كروز وصعب جداً تحكم عليـه من مباراة واحـدة سيئــة اما بالارديني فـ هو مدرب كبيـر ومن طينـة الكبـار من يذكر بدايات راموس مدرب اشبيليـه يعرف كلامي عـدل فريـق عادي ولاعبينـه عادييـن جداً صنع منهم نجووم كبـار جداً كانوتي احتياطي في توتنهام خلاه من افضل المهاجمين بالعالم حارس احتياطي ثالث في فالنسيا الآن هو في المنتخب الاسباني وصفقات رخيصة مثل دانييل الفيس وباتيستا وريناتو و ادريانو وغيرهم خلاهم نجوم كبار واسعارهم اضعاف الاضعاف المدرب الممتاز ما هو بالأسمـاء ومن معـه .. المدرب هو اللي يقدر يوظف كل لاعب عنده وهذا هو بالارديني الكل كان يقول بكأس السوبر ما راح نفوووووز ابـداَ لأن بانديف وليديسما مو عندنا ولكن فزنا وبأقتدار وجدارة وهذا بفضل المدرب الممتـاز .. لا بالاسمـاء ! نجي حق لوتيتـو اللي في اي نجاح يكون للفريق لا يتم ذكـره !! وفي اي فشل للفريـق على طول يرتبـط فيـه !! كـ مشجعين حنا قاعد نفكر بالفريق فقـط .. ما همنا كم دفع بالميركاتو وكم دفع لرواتب اللاعبين وكم وكم وكم ما علينـا نبي لاعبين وبس ونبي نبيـع وبس ونبي نشتري وبس اما لوتيتـو ما يفكر كـ مشجع فقط يفكـر كـ رئيـس اولاً وكيف يتم ادارة مؤسسة رياضية تعتبر من المؤسسات الكبرى بالعالم وكل نجاح للفريـق بفضله اولاً اولاً .. وكل فشل بالفريق له مسؤوليـه كبيرة فيـه الحديث عن لوتيتـو لا ينتهـي ابـداً .. لأن البعـض يفضل لاتسيـو يخسر اموال طائلـة ويربـح بانديف وبونيتو ومانفرديني وليديسما القضايا اللي يبون يرفعونـه .. وكل هذا كرهاً في لوتيتـو .. ولكن يسمحون لي هذا مو تشجيع لـ لاتسيـو ابـداً البعض لازال يقارن بيـن لاتسيـو كرانيوتي و لاتسيـو لوتيتـو .. ولو مرينـا على رؤساء الاندية كافـة في لاتسيـو كان شفنـا ان كرانيـوتي هو الافضـل .. ولكن مرحلـة كرانيـوتي كم كانت .. رئاستـه الذهبيـة كم كانـت ؟ ما تعـدّت السنتيـن !! .. فـ مشجعيننا يبـون ترجع هالسنتيـن فقــط .. وما قبل السنتيـن ما يبـونـه وما بعـد السنتيـن وهو الافلاس ما يبـونـه !! .. الكل يكرر لاتسيـو 2000 لاتسيـو 2000 .. واذا في احـد يقول انا ابي لاتسيـو يرجع لاتسيـو 2000 وبعدها يفلـس بـ يسمح لي اسميـه مشجع ( اسمـاء ) وليس حتى بطولات لأن البطولات عادت لـ لاتسيـو .. هو يبي بس اسمـاء ( يكشـخ ) فيهـا قدام ربعــه ! والمحصلـة هـو ليس مشجـع لـ لاتسيـو اذا كان هذا مراده لوتيتـو اخطأ بالميركاتـو اللي فات بسبب عدم شراءه لـ مدافع عليـه القيمــة .. ولكن هذا ما يمحي كل شي قام فيـه اما بسبب من يطلع نجيـب اللي افضل منـه .. هو في احـد طلع غير لورينزو و روزينـال .. الاول لاعب احتياطي وبديله لاعب احتياطي وهو سكالوني العائد من الاعارة .. اما الثاني وهو الخطأ اللي تكلمنا عليه وهو رحيل مدافع وعدم جلب مدافع عليـه القيمــة المشكلـة الكبرى حول لوتيتـو ان البعـض يأخذ اللي يبيـه من اخطاءه ويقعد يذكرها طول السنيـن و لا يذكر اي حسنـة او امر ايجابي قام فيـه نهائيـاً اللا من رحـم اللـه !