السلام عليكم
+ 3 نقاط
أنا لساتي ما تغيرت , ماعادت تهمني النتايج
إلا في حالة وحدة و هي مستحيلة بوجود روسي و قد جربناها قبل 4 جولات
الاقتراب من المركز الرابع و المنافسة عليه
-----
المباراة كانت لديزما + كولاروف ضد جنوى
مع عدم نسيان اجتهاد سلفستري و زاراتي
أما ماوري فخلااااااااااص طفح الكيل
حده حده احتياطي في لاتسيو
شئ جميل جداً أن نرى دل نيرو يسخن في المباريات (شفت اشلون روسي لعب بحسبتنا , صرنا نستانس نشوف لاعب عندنا يسخن
)
الفريقين اليوم ماعندهم سالفة , ربشة و استعجال
و المدربين تبديلاتهم ماسوت شي يذكر
يعني بس لمجرد التبديل
بالنسبة لــ زاراتي
يا جماعة ما يصير إن خط نصك تعبان و ما يهيئ أي كورة خطرة للمهاجمين و تبغى مهاجمك ينزل ياخذ كوورة و تبغاه سوبر مان و ينطلق و يسجل
تعتمد على مهاجمك ينزل و يستلم لازم تاخذ مخاطرة إنه ممكن يضيع أولاً للارهاق , و ثانياً للمضايقة , و ثالثاً إن مافي حد يسانده
و يحق لك يا زاراتي التعدية من الحارس و تضييع الهدف , اجتهاد في اجتهاد
انت تنزل للنص و ترجع و السترايكر روكي , و انت لقطت الكورة الخاطئة و روكي ما خطف و لا شكل أي خطورة !
لازم مهاجم شاب مرة يحب يعدي و لا تزبط , و مرة يحب يسقط و لا تلبس و مرة و مرة
اذا هالأمور ما أثرت على النتيجة
فبكل تأكيد بتأثر عليه كلاعب و على مستواه و بتبني شخصيته و بتخليه أكثر حزم و اصرار و تركيز في المرات الكثيرة القادمة
----
بعيداً عن المباراة
هجومنا ممتاز بقيادة الخبير روكي و باندييف و الرائع زاراتي
لا مشكلة مع روكي يا جماعة
روكي كبييييير
بس زاراتي لاعب من طراز لاعبين الجيل الذهبي, لاعب يسوي كل شي بالمباراة
يعني أنا تقول لي مهاجم يايب 30 قوول بالدوري (من على الباب) و واحد يايب 10 أهداف (مخربش كبير ,مهاري)
بقول لأ , أنا أحب أبو 10 أكثر , هو أمتع يا أخي هو صانع هو مساند هو مهاجم هو هداف
و اذا قلت أحب أكثر يعني أحبهم اثنينهم و ما أكره أحد فيهم
أنا من المطالبين ببقاء روكي إلين اعتزاله
يبقى وجود لاعبين لفترة طويلة بالنادي له أهميته
دمتم بود
