مبروووك الف مبرووك
اليوم ارفع القبعه حق روسي الي صراحه صاير (رجل) وقصد بكلمة رجل انه مايخاف مثل ما اهو معودنا
يعجبني لازيو الي مايهتم في اي ملعب يلعب وانتوا اكيد تعرفون يعني شنو سان باولو, وطبعا ماننسى موسوليرا الي خلاص وصل لمرحلة النضوج وفترة الهفوات الجسيمه عداها الحمدلله, وطبعا روكي ماعليه كلام المنقذ في اخر مباراتين و باقي له 18 هدف ويكون مسجل 100 هدف مع النسور, طبعا لا ننسى بروكي الي الكل كان يسميه العاهه ومو شايف شنو قاعد يسوي بالملعب
مره تشوفه يمين مره شمال ويعتبر جوكر تكتيكي بالفريق,للأمانه اليوم الكل كان ممتاز بدون استثناء.
الأسبوع هذا والي فات النتائج كلها كانت لصالحنا وارد واعيد هدايا من الفرق الاخرى اتقول حالفين ان يأهلون النسور لدوري الابطال
لاحظوا ان فرق بينا و بين فيورنتينا 5 نقاط اي بمعنى فوزين على كييفو في ارضنا و كاتانيا في ارضهم يخلينا ننفرد بالمركز الرابع بشرط حدوث الاتى
مباريات فيورنتينا القادمه
فيورنتينا -الانتر في المياتزا
فيورنتينا - سيينا في ديربي توسكانا
اما مباريات جنوى
جنوى - كالياري في سردينيا وتعرفون كالياري يقدم مستويات ممتازه
جنوى - اودينيزي
نأتي لنادي الامراض المعديه روما
روما- سامبدوريا خارج الاولومبيكو
روما-اليوفي
طبعا بعد كل هذا اتوقع لازم نركز على شان الموسم هذا بدال لا يكون كارثي يكون من افضل مواسم روسي في التدريب
يفوز بالكأس ويتأهل لدوري الابطال
طبعا كلها احلام بس صدقوني هذي الي يسمونها احلام ملموسه
مبروك لكل الازيالين ومنها للأعلى
سلام