بصراحة انا اشاركك بهالرأي
و انا اذكر كان في صفقة فيها مغادرة ليديسما من لاتسيو و اعتقد كان الكلام انه بيروح الفيولا و لما سمعت هالخبر تمنيت ليديسما يطلع بس بعدين فكرت شوي و وصلت لنفس الراي اللي انت وصلتله
هجوم لاتسيو ممتاز رغم انه حاليا روكي مو بمستواه
و سبب تألق لاتسيو في معظم المباريات اللي يتألق فيها ( خصوصا المباريات المهمة ) هو ليديسما ... ليش ؟؟
هجوم لاتسيو ما ينقصه اي شي و غلطان اللي يقولي ان زا-با-رو مو اقوى هجوم في الدوري أو على الاقل مو من بين اقوى خطوط الهجوم مو بس على مستوى ايطاليا حتى على مستوى اوروبا و الكل لاحظ انه المهاجمين هم اللي قادوا لاتسيو في الجامبيونز ليج الموسم الماضي ....مباراة دينامو بوخارست في الدور التمهيدي 3-1 هدفين لروكي و واحد لبانديف ... مباراة الريال 2-2 هدفين لبانديف .... مباراة بريمن 2-1 هدفين لروكي
بس مشكلة لاتسيو من بداية الموسم هي عدم وجود اي حلقة وصل بين المهاجمين و الوسط و كل اللاتسيالية كانوا يقولون " هجوم يصنع لهجوم ... وين بيفلح هالفريق؟ "
و لما ليدسما يبدع و يلعب كرات صح نجوم لاتسيو راح تتفجر امكانياتهم لان باختصار الكرة توصلهم صح !!
و في مباراة اودينيزي شفنا ان حتى مدافعنا الكبير دياكيتيه عنده امكانية التسجيل و سجل الهدف من ركنية ليديسما اللي انلعبت صح و النقطة الاخرى الحلوة في هالمباراة انه اللي سجلوا الاهداف 3 لاعبين من 3 مراكز مختلفة و ليديسما كان موجود في هدفين من ال3 اهداف !!
و انشالله بعودة ماتوزاليم أو قدوم إيلانو راح يصير خط وسط لاتسيو اقوى و عنده امكانية اكبر في ايصال الكرات للمهاجمين و اللي هي المشكلة الوحيدة اذا حلها لاتسيو صدقوني بيرجع نادي بطولات !!!
و انا ما ابالغ بكلامي لان امكانيات لاتسيو مو اقل من امكانيات اي نادي غيره في ايطاليا و لا حتى في اوروبا !!
و مشكور على موضوعك الحلو