يعطيك العافية يا احسان
ولكم باك يا الغالي
بصراحة الفريقين يمرون بفترة عصيبة
وللاودونيزي سلسلة من الخسارات اما لاتسيو فـ لديه تعادل ولديه فوز معنوي بالكاس
ولكن للأسف حال فريقنا ما تسر نهائياً
والحين جاء الدور على الاصابات اللي بالفريق !
و روسي اكيد بـ يلقى له عذر اذا ما فاز !
اودونيزي فريق قوي ومنظم لكن للأسف قاعد يخسر بصورة غريبة !
اكثر لاعب شدني بالاودونيزي هو فلورو فلوريس
هالمهاجم هذا مدري من وين طلع ! مهاجم ممتاز وهداف
وعوض غياب كوارياريلا و ايضاً دي ناتالي بشكل ممتاز
بالنسبة للنقاش السماوي
هل يجب تغير الخطة ؟؟
اكيــــــد !
الخطة في بداية الموسم كانت حلوه ومنظمـة
اما الحيـن مع عودة روكي من الاصابة واصابة ماتوزاليم وبانديف
والامور هاذي
روسي قفل وما يعرف يغير الخطة بحيث اتناسب مع الجميع ويحط الرجل المناسب بالمكان المناسب
لازم يتم تغيير الخطة .. لااااازم !
لماذا لم يغير رو سي الخطة الى الان ؟؟
لأنـه مو عارف شلون يغير الخطـة !
بداية الموسم وبالمباريات التحضيرية غيرها ولعب 3 \ 5 \ 2 ولعب 3 \ 4 \ 3 وبعدين حولها الى 4 \ 3 \ 3 وبعدين قام يقلبها الى 4 \ 3 \ 2 \ 1 وعكسها من جديد الى 4 \ 3 \ 1 \ 2
يعني طوال مباريات التحضير ما سوينا شي .. رجع ولعب في خطة المحاور !
روسي يخاف ان تصير مشاكل داخل غرف الملابس ويخاف من اللاعبين لا يزعلون اذا لعبوا او ما لعبوا .. فـ ما يغير الخطة ويخليها على حالها وكل يوم يلعب لاعب .. مرة رادو مرة كولاروف .. مرة روكي مرة فوجيا !
اغسل ايدك يستفيد من زاراتي و بانديف و روكي و فوجيا كلهم في وقت واحد !
ما يعرف .. ويخــــاف !
هل لاتسيو بحاجة الى محور يساري مع ماتوزاليم كثير الاصابات؟؟
ما اعتقد ان ماتوزاليم كثير الاصابات ! .. هي اصابة وحده وكانت قويـة
ماتوزاليم ما تقدر تسميه كثير الاصابات مثل مغني !
ما اعتقد اننا بحاجة الى محور يساري .. حالياً البرازيلي عاد واعتقد انه قادر يشغل هالمركز
ان لم يغير روسي الخطة هل هذا المركز هو المناسب لماوري او مغني ؟؟
ماوري ممكن ينفع يكون محور يساري .. اما مغني نهائياً ما ينفع !
هالمركز يقتل مواهبـه .. مغني يحب يتحرك وياخذ مساحات واللعب خلف المهاجمين هو افضل مركز للجزائري