اليوم لعبنا بشكل حلو وبشكل ممتاز
وسيطرنا على المباراة من اولها الى تقريباً نهايتـها !
لكن الهدف العكسي من دياكيته بالدقائق الاخيرة من الشوط الاول
قتل اشياء كثيرة باللاعبين وبالمشجعين ومن ضمنهم انا !
الانتر فاز بأقل مجهود وكان يدافع تقريباً بـ 7 لاعبيـن ويهاجم بـ 3 !
وهاذي هي طريقة مورينهو من ايام تشيلسي و بوردو
للأسف كل ما نصلح شي بفريقنا يخرب شي ثاني ؟
بالسابق الحراسة وتعدلت الحيـن !
الدفاع كان مشكلـة وحالياً مع مستوى روزينال ودياكيتـه ان شاء الله مافي خوف !
الوسط للأسف ضايع ضايع ضايع ؟
دامك تلعب بخطة المحاور فـ للأسف فريقنا ما يمتلك نوعية المحاور الممتازة !
ليديسما ؟
دابـو ( ما يكمل مباراة ) ؟
بروكي ( نفس طقة دابو ) ؟
ماوري ؟
مغني ؟
للأسف مافي حلول بخط الوسط دام نلعب بالمحاور !
محاور فريقنا لاهي دفاعية و لا هجوميه !
وما ادري شنو فيهم !! ضايعين ضايعين !
اليوم فوجيا يرجع عشان يبني هجمـه !
ما في محور يظبطك بتمريرات سنعة
ولو ان دابو حاول لكن للأسف باين ان الاصابة اول الموسم عفسته فوق تحت !
ونجي للهجوم اللي للأسف اصبح وجود زاراتي فيه شيء سلبي !!
زاراتي يبي يسجل ويبي يعدي 7 من لاعبي الانتـر ؟؟
زاراتي دامـه يتأنن اعتقد راح تطول مشاكل هجومنا !
نجي للمدرب روسي اللي يوم بعد يوم يثبت انه فقير جداً تكتيكياً !!
اكثر من 4 مباريات لعبها ونفس الطريقة تكتل دفاعي من فريق الخصم
وكان دايم الحل انزاغي آخر الدقايق ؟
ليه ما لعب انزاغي من بداية المباراة او من الشوط الثاني ؟
انزاغي هو اللي يفكك هالدفاعات ويعطي حرية لبقية زملائة ؟
اليوم نشوف كوردوبا واقف بالجناح اليمين عشان يوقف زاراتي
والمفروض ان مايكون هو الاقرب لزاراتي ولكن كوردوبا ماخذ راحته
لأن مافي مهاجم صندوق يسبب مشاكل له و لسامويل ؟
والسبب روكي دايم متراجع !
الشي اللي يفرح بالمباراة مستوى الدفاع الممتاز وخصوصاً دياكيته
لو لا الهدف العكسي الغريب ؟ كان الكل عطاه 100 من 10
الخوف من روسي لا يذبحه بسبب الهدف العكسي
اختلف مع الكل اللي يقول الانتر فريق قوي والانتر عنده لاعبين والانتر مدري وش فيه
الانتر ما قدر على ليتشي وعلى كاتانيا اللا بطلعة الروح والسبب مو بنوعية اللاعبين اللي بـ ليتشي وكاتانيا
السبب في نوعية المدربين اللي عند هالانديـة !
فريقنا صار مكشوف ويحتاج له مدرب يعرف يفكر ويتكتك شوي
الله يعيننا على المباريات الجايـة