السلام عليكم
اول شي هاردلك شباب على الخساره المره جدا
والله مادري شنو اقول
في نقاط كثيرة مرضتني اليوم
منها الحكم الغريب والغريب جدا
والله اليوم قاعد اقول حق المدام الحكم هذا نحس وشكله ماراح يمررها على خير
قرارات غيبه ومالها داعي منها الفاول الي لعبه زاراتي وضربة بالحيطه
هذي لو حكم درجة عاشره و مبتدأ كان راح يعيدها فما بالك انت يا روكي
اي احتكاك من لاعبين النسور على روما فاول على طول والعكس صحيح
صراحه ضيع المباراة بقراراته الساذجه والغبيه...
نأتي للداهيه ليديزما حبيب الكل
اتوقع محبين الاعب شافوا ليديزما شلون مهم للفريق والدليل ان ماسوى شيء يذكر
فالمباراة ...لا من صناعة ولا من اي شي وتسبب بطرد غبي ماله داعي
والشي الاغرب ان بعد خروجه الفريق بدأ يهاجم بطريقه ممتازه هجوميا و مجازفه دفاعيه بحته.
نخلص من لديزيما نأتي للي يقول ان زاراتي اناني!!!
يا جماعه شنو تبونه يسوي يعني؟
لعب بدفاعاتهم لعب وصنع فرص كثيره منها وحده على طبق من ذهب لسيموني
افضل لاعب كان بالمباراة من قبل لازيو
اخيرا روسي وتغيراته اليي تعبتني
الحين انت تلعب ناقص وخطتك عبارة عن 3 لاعبين وسط وينطرد منهم لاعب
شنو الحكمة من انك تشيل لاعب وسط وتنزل وسط!!!!!!!!
ليش ماتشيل بانديف وتنزل فوجيا !
ليش ماتشيل بانديف وتنزل كولاروف وتلعب ابنفس تشكيلتك الي كنت راح تلعب فيها اول موسم الي اهي 3 قلوب دفاع ولاعبين ارتكاز مع وجود ليشتنشتاينر و كولاروف على الاطراف!!!
اتمنى ان الفريق ما ينهار بعد الخساره المره هذي ويتغلب على جنوا الي راجع من خساراة بالاربعه...
مع الاسف واضح ان ديليو روسي هو الصدر الحنون للمدربين الي يكونون في خطر الاقاله