أول شي هاردلك الهزيمة ونقطة واحده من آخر ثلاث مباريات منها مباراتان على ملعبنا ؟؟!!!!
عندي نقاط على الفريق بشكل عام:
1- انا من مبارة بولونيا الأخيرة قلت في موضوع النقل المباشر " والله العظيم ما راح نسجل اي هدف ما دام لديسما مستمر على لعب الكرات الطويلة" يعني الدفاع والوسط يقاتل عشان يقطع الكوره وفي الأخير لديسما كوره طويله توصل لدفاع الفريق الثاني وهجمه من جديد على لاتسيو.
2- المدرب أي لاعب يهبط مستواه لو شوي في مبارة على طول شهر كامل على الدكه تذكرون كولاروف الموسم الماضي لكن سيفيليا ومانفرديني غصب يلعبون لو يسون ايش اساسي غصب عن الكل. أما ماوري
فهذاقصه لوحده بالغصب يلعب كل العالم قالوا مستواه هابط يقول طال عمره اصبروا يرجع لمستواه!!!!!!! الموسم الماضي كله وحنا ننتظر ماوري يرجع لمستواه إلى متى يعني نصبر لمى نصير في السيريا بي
.
3- أتحدى أحد في العالم يجيب لي فريق يلعب بـ ثلاثه لاعبين محاور دفاعيه أتحدى ؟؟؟؟؟
ما راح تلقون فريق يلعب بالطريقه هذي لأنه بكل بساطه خطيرة جداً جداً على أي فريق لأن بتمريره وحده بين المحاور ينكش الدفاع كله وتذكروا مبارة السعوديه وألمانيا 8-0 وتعرفون وش أقصد لمى لعب ناصر الجوهر بثلاثه محاور وش صار؟ تاريخية.
آسف على الأطاله لكن هذا اللي في قلبي
شكلنا بنقول هاردلك كثير السنه هذي بسبب هالمدرب