ما شفت المباراة عدل لأني تابعتها على النت
ولكن عندي كم نقطـة بقولها وبعدها لاشفت الاعادة ممكن ارجـع
أول نقطـة وهي اختيارات المدرب المتوقعـه منـه !
ولكن التوظيـف كان سيء جداً جداً
أول واحـد وهو ماوري
قلتها قبل المباراة مليون مرة
اذا ماوري سيء الشوط الثاني على طول نزل ماكينواا
اللي اتوقع انه ما استدعاه نهائياً للمباراة !
يعني داش المباراة وما عنده بدائل للهجوم !!
لو اصاب زاراتي او بانديـف وش الحـل ؟؟
زاراتي و بانديف وماكينوا كلهم سريعيين
وراح يسببون مشاكل للهجوم
بدال ماوري البطيء جداً
اللي من كثر بطئـه انفرد و رجع بالكورة !!
والله شي يرفع الضغط !!
يعني ما صارت اصابة يتعافى منها
خلاص يا اخي ماوري اقعده بالدكـة
مو حالة هاذي !! الى متى تموت هجمات مرتدة بسبب بطئ اللاعـب
\
النقطـة الثانيـة .. لاعب عنده طاقات خياليـه ( هجوميـه )
وهو البرازيلي ماتوزاليـم
مخليـه ظهير دفاعي بحت و دوره تغطيـة تقدم كولاروف !!
\
النقطـة الثالثـة وهي الطامـة الكبرى الكبرى !!
وانا قلتها من قبل
روسي ضحك علينا بالمباريات التحضيريـة
يدرب الفريق على 3 \ 4 \ 3 أو 3 \ 5 \ 3
ويوم بدينا الدوري لعب بـ خطتـه المعودة واللي تتحول احيان الى 4 \ 3 \ 3
ويصير ماوري كـ هجوم
الى الآن فريقنا مكشوف ومعروف تكتيـكـه !!
يعني اغسلوا ايدكم راح يتسنـع
روسي الكل فرح يوم غيـّر خطتـه
3 \ 4 \ 3
ممكن تتحول الى 3 \ 4 \ 2 \ 1
او الى 3 \ 4 \ 1 \ 2
او الى 3 \ 5 \ 2
او الى 5 \ 3 \ 2
كانت الخطـة هاذي تعطي خيارات كبيرة بأرض الملعب
خصوصاً ان كولاروف صاير وسط هو مع لورينزو او ليشتستاينر
حتى تبديلاتـه اليـوم محفـوظـه ومتوقعـه يعني مافيها شي جديـد !
كنت اتمنى يطلع ماتوزاليم ويلعب رادو ويظبط خط الدفاع ويقدم كولاروف
بدال دخول مغني اللي نفس الشي .. كان دوره يغطي مكان كولاروف !!
وش الفايـده من هالتبديـل !!!
فوجيا مكان ماوري !!
تبديل معروف ومحفوظ
لورينزو مكان بروكي
نفس الشي ونفس الحالة ونفس التكتيـك
يعني مافيـه حركـة جديدة
مثل يطلع بروكي ويلعب ماكينوا
يزيد من قوة الهجوم بزيادة عددهم !
انا غسلـت يدي من روسي خـلاص
الفرق الوحيـد هالموسم اللي ممكن راح يصير
اننا ممكن نفوز على كالياري وسامبدوريا و جنوى وكاتانيا والطقـة بسهولـه
اما الافرقـه القويـة و الافرقه اللي تمتلك مدربين فاهمين
اغسلوا يدك
\
لي عودة متى ما شفت المباراة إعادة للتعليق على مستوى بقيـة اللاعبيـن