السلام عليكم
هاردلك على الخسارة الكبيرة !!!
بعد مباراة الميلان .. اشياء كثيرة تغيرت
فبعد فوزين على التوالي ومدح الفريق .. خسرنا خسارة كبيرة وقاسية بعيدة عن مستوى الفريق بالمبارتين الاولى والثانية .. !!!
عندي نقاط حاب اذكرها بعيدا عن التعصب
المباراة الاولى ... انتهى الشوط الاول 1-0 لكالياري بمستوى باهت من لاتسيو .. لكن بالشوط الثاني اللي ساهم بالفوز بالفوز بالنتيجه الكبيرة هي الطرد لكالياري واحتساب ضربه جزاء اللي غيرت مجريات المباراة وانتهت بالاربعه .. وبالنظر الى نتائج كالياري بعد 3 جولات فهو الاخير بدون ولا نقطه ..
المباراة الثانيه كانت مقنعه نوعا ما .. بالاولمبيكو قدرنا نفوز 2 ..
ناتي الى الاهم ..مباراة الميلان بين مستوى بعض الاعبين ..
بروكي من اول مباراة نفس المستوى صفر وضعيف جدا .. ماوري مقلب وحتى مايستاهل يكون بالاحتياط.. لا ويوجد راس حربه .. نشوف زاراتي وبانديف مهارات فرديه بس مافيه اللي يخلص .. لديسما مصدق نفسه وعباله كابتن ماجد .. قلوب الدفاع شوارع بقيادة سيفيليا الفاشل
كاريتزو ؟؟ غريب لحد الان ماني عارف مستواة الحقيقي .. البعض يقول لا يلام على الاربع اهداف .. لكن بوجهه نظري ان مستواة اقل من عادي .. على امكانياته المفروض يقدر يبعد كرة زامبروتا .. وهدف كاكا متقدم وماقدر يصدها .. والهدف الثالث صحيح كان صعب لكن المشكله ان الكرة كانت بزاوية كاريتزو !!! الحارس الممتاز اللي يقدر يصد الكرات الصعبه .. مو اي كرة قول ... كاريتزو صد كرة واحدة بالمباراة اللي نقدر نقول انها كانت صعبه مالت كاكا .. غير مالت رونالدينهو اللي بالقائم ... وليلحين مو حاس بالثقه اذا كانت هجمه للفريق الخصم !!نفس الشعور ايام بالوتا
ديليو روسي الف خط احمر تحته .. مدرب بوقت المباريات القويه تلقاة يخسر خسارة قاسية ولا يستطيع الفوز (( مافازنا على الميلان ولا اليوفي ولا الانتر بعهد ديليو روسي )) حتى بافضل حالات الفريق لايستطيع الفوز عليهم
بعد ماكان لاتسيو افضل دفاع .. اصبح 3 اسوء دفاع لحد الان ب5 اهداف علينا ..
اقوى هجوم برصيد 7 اهداف
من المركز الاول الى المركز الرابع بنفس عدد النقاط مع الثالث لكن فارق الاهداف تخلينا بالمركز الرابع
مشكورين وهاردلك .. والله يستر امام الفيولا