حياك الله اخوي احمد فطاني واشكرك على هالموضوع الممتاز
بصراحـة ما كنت ابي ارد عليـه ولا كنـت ابي ادخـل في نقاش حول هالموضوع لأن ما يتمحور بالشكل الاساسي حول جسر القمـه .. المحور الاساسي للموضوع هو لوتيتـو .. وانا لي وجهـة نظر معروفـه لدى الاغلبيـة وقـد تناقشت كثير
لكن بذكر كم نقطـة ع السـريـع
ما اتوقع من موسم واحـد لـ لوتيتـو نقول عنـه فشل نهائياًَ
هذا شي ظالـم شوي
النقطـة الثانيـه ! كم باع لاعـب لوتيتـو !
اودو .. والكل يعلم ان اودو هو اللي طلب انهم يوافقون على عرض الميلان عشان يلعب مع النادي اللي بدأ فيـه
والموسم هذا باع بيهرامي والكل يعلم طريقـة رحيل بيهرامي
وياع مودينغاي اللي اصبح ماله مكان مع اننا كلنا نقول انه لاعب ممتاز ولكن تحصل على بطاقة مراد مغني الكاملة .. وما قد سمعت وشفت لاتسيالي ما مدح مراد بالتحضيرات .. والموسم الجاي اتوقع له الكثيـر
النقطـة اللي بوصلها .. ان لوتيتـو مو مستثمتـر !! شلون يكون مستثمر بالطريقـه هاذي !!
والغريب ان البعض يقول يشتري رخيص ويبيـع غالي .. طيــب وين حصل هالشي !
بـ لاعبيـن فقـــط !!
طيب هذا كرانيوتي شرا فييري موسم وباعه دبل دبلات على الانتر الموسم الثاني !!
يا جماعـة تكلموا بالمنطـق والعـقـل .. وخلوا العاطفـة والقلـب على صوب شوي !
وبعديـن اخوي احمـد اسمح لي على هالكلمـة بس انت ما تعلم الغيب ترى !!
يعني تقول شرينا زاراتي عشان نبيعه بعد موسميـن ! وتخلي هاذي النقطه سلبيـه على لوتيتـو
طيب هو باعـه الحيـن !! يا اخي ما تعلم الغيـب .. الغيب ما يعرفه غير رب العالميـن
استغرب من هالسالفة تكون امر سلبي على لوتيتـو
اسمح لي بس شي يضحك والله ^_^
النقطة الثالثـه وهي مسألة بناء الملعـب .. يا الغالي من ويـن سمعـت ان لوتيتـو يوفر فلوسه عشان يبني ملعـب !!
بلديـة روما رفضــت تعطيـه سلفيـه وقرض وقال راح اجيـب القرض من مكان ثاني بس عطوني الأرض
يعني الرجال يبي يتسلف عشان يبني الملعـب
تأكـد اخوي من الكلام اللي تقولـه قبـل ما تكتبـه .. لأن ممكن في ناس راح تقرا هالكلام وتصدق ان لوتيتـو بلياردير وعنده فلوس وراصهم على قلبـه وموفرهم عشان يبي ملعب 
!!
النقطـة الرابعـه وهي مسألة التعاقـدات .. انت تقول سمعنا اشاعات ان لاتسيو يبي ريكيملي وماتيرازي و .. و .. و .. !
طيـب سمعـت ان لاتسيـو يبي سميـر نصري .. محـد سمع فينا هالشي !!
لكن انصدمنا ان سمير نصري في لقاء وياه قال جاني عرض من لاتسيو ورفضته بسبب جماهيرهم !!
يعني في اشياء ما ندري عنها .. و لوتيتـو عليـه تقديم العرض اللي يشوفه يتناسب مع امكانيات الفريق الماديـه
واذا اللاعـب رفـض وش تبي لوتيتـو يسوي .. يحـط السيـف على رقبتـه ويغصبـه يوافق !
هذا بالاسيـو طيـّر سـعـره بالعـج وخلاه فوق ولكن اللاعـب ما يبي لاتسيـو .. المفاوضات مو نفس مفاوضات البليستشين .. اعطيـه سعـر واجيبـه و ويوافق !!
النقطـة الأخيـرة هي نقطـة قريتها لـ رد اخوي اسامـة .. كل الانديـة عليهـا ديـون ..ولكـن هالانديـة تدعمها ناس .. ريال مدريـد يدعمهم ولد حاكم اسبانيا .. و راؤول مدري غوتي واحد منهم متزوج من الاسرة الملكيـه .. مانشستر يونايتد يدعمونه الاعضاء الموجوده بالنادي والتجار المعروفيـن اللي لهم اسهـم و برشلونـه نفس الحالـه .. و .. و .. و .. !
ليـه ما نشوف عليهم ديون ويعانون من المشاكل .. لأن في ناس تدعمهم وفي بنوك تعطيهم قروض !
كرانيوتي يوم جاء للبنك وطلب قرض ما عطوه قال شركتـك افلست وما عندك ضمان ! وما كان عنده اعضاء مجلس ادارة نفس الريال واليونايتد والبرشا !
طيب هذا فالنسيا الحيـن يعاني من الديون ويبي يبيـع نجومـه .. وش السبب الرئيس قدم استقالتـه وجاء رئيس بدالـه و البنوك ما تعرفه هالرئيس فـ ماتبي تتعامل معاه وما تبي تعطيـه قروض فـ خلاص راح يموّل نفسه بـ نفسـه بـ بيع النجوم و العائدات من ملعبـه !!
والسموحـة من الجميـع