ها شباب الحين اعترفتوا ان المهرج دونادوني مدرب فاشل
صارلي سنتين وانا اقول هالكلام وما احد موافقني
والله انا استغرب كيف ابطال العالم تشيل ليبي وتحط بداله مدرب اقصى انجازاته
نصف موسم مع ليفورنو لا وطلع مقال بعد
اليوم الي صار مهزلة تدريبية من السيد دونا
اول شي كيف تلعب ماتيرازي وهو ماهو جاهز للمباراة وخرج في النهاية للأصابة بعد ما صارت المصيبة!!
ثاني شي كيف تلعب ماتيرازي جنب برزالي والاثنين يساريين !!
ثالث شي كيف تلعب بانوشي الي عمره 34 سنة ظهير وجروسو في الاحتياط
واعتقد جروسو ولو اني ماني مقتنع فيه لاكنه نشط الجهة اليسرى بعد دخوله
رابع شي امبروسيني اساسي ودي روسي احتياط!!(هزلت)
خامس شي مهزوم اثنين وتصر على اللعب بـ3 ارتكاز !!
كان المفروض واحد من العاهات امبروسيني وجاتوزو يخرج ويدخل كسانو او دلبيرو او كوالياريلا مبكرا بس غباء دونا لاحظ كيف استنى بعد ما قفلت هولندا دفاعها دخلهم وهم لاعبين لا يستطيعوا اللعب في المساحات الضيقة !!
والغريب والمصيبة الكبرى انه اصر على ثلاثي الارتكاز لنهاية المباراة (هذي حتى روسي ما يسويها)