سبب رفعي للموضوع
اولاً هو انقطاع العزيز الوافي عن المنتدى
مع ان احيـان نشوفه متواجـد بس قليل ما نشوف له مشاركات
وهذا بمثابـة نداء له لرجوعـه للمنتدى : )
ثانياً الموضوع حلو ويستاهل الرفع والمشاركـة
بالنسبـة لي
دايم اشوف المباراة لحالي .. واللا انا ما عندي مانع اشوفها مع احـد
لكـن بحكم ان مالي غير اخو واحـد الله يخليه لي و ترك المباريات ومتابعتها مبطي
طقوس القعدة .. أهـم شـي باكيت الزقاير يكون متروس او شبـه متروس
اذا فيـه شوي او فيـه نص .. لازم اشتري باكيـت ثاني
احيان والله شاي و قهـوة .. لكن هالموسم هذا قلـّت فيه هالسالفة
بحكم ان الواحـد ما يكيـّف اللا وهو مروّق تقريباً .. اما الموسم هذا
اغلب المباريات اتــّابعهـا وانـت خايف من الخسارة ومندبلة تسبدك من الاداء و فتاوي التدريب !
في كذا موقف صار معاي هالموسـم
تابعـت مباراة الريال و لاتسيو اللي بالاولومبيكو مع واحد من ربعي مدريدي بأحد المقاهي
اغلـب المتواجـديـن كانوا مشجعين ريال .. وكانوا قلـه قليلـه مشجعين لاتسيـو
المباراة كانت حماسيـة واعتقد الكل شافها .. فـ غلب طابع الطـق بيني وبين خويي من زود الحماس ^_^
لاتسيو يجيب جـول من كثر حماسي أهفـه بوكـس ههههههههههههههههههههههههههه
الريال يجيب جـول يرد بوكسـي ويهفني بوكـس وعلى هالحالـة لين انتهـت المباراة ^_^
وفي مباراة لاتسيو و فيردر بريمن .. رحـت اتابعها بالمقهى بحكم انه ما عندي الاي آر تي
فـ كل المقاهي اللي مريـّت عليها حاطين الميلان و حاطين البرشا وحاطين تشيلسي وحاطين الريال !
واقردن معلـّم الولعـه يجيب لي تلفزيون ويحط لي على مباراة لاتسيو ومو راضي
واغريـه بـ كم فلـس ومو راضي ^_^
ما كان عندي اللا حـل واحـد
اتصلت على فرع الاي آر تي وقلت لهم جيبوا لي كرت
والله ما قصروا جابوه بأسرع وقـت وشفنا المباراة وسجّـل مانفرديني ^_^
مباراة الديربي الاخيـرة اللي فاز فيها لاتسيـو
تابعتها انا وأخـوي الكبير .. وهو رجل ملتزم ( بمعنى آخر مطوّع )
فـ ما قدرنا ندخـّن قدامـه .. احترامـاً لـه طبعاً
فـ قاعـد طول المباراة على اعصابي بحكم قوة المباراة واني ماسك نفسي عن الزقاير
والحالـة حالـة ^_^
قبل المباراة كنت فاتح على المنتدى .. واخوي انتبه لـ صورة علم فلسطين مع جماهير لاتسيو
وقالي شسالفة هالعلم وعلمتـه القصـة كلـها وقرى الموضوع بالمنتـدى
فـ حب لاتسيـو لأنهم يدعمون القضية الفلسطينيه وكره رومـا بسبب احزابهم وانهم يهوديين
فـ تابع المباراة من جانب ثاني وهي بين مناصري الاسلام واليهـود ^_^
ههههههههههههههههههههههههههههههههههههههههه
وتخبرون عـاد مطوّع ^_^
مع انـه قبل الالتزام يشجـع فرنسـا ولكـن يحـب ايطاليـا
وكان معجب بـ توتي باليورو 2000
انصـدم يوم شاف لعـب توتـي وضربـه لـ لورينزو و الاشياء اللي يسويها هاللاعـب
فـ بدء يطلع بعض الدعابات مثل .. يهـب اليهـودي ^_^ ومن الكلمات هههههههههههههههههههههههه
المباراة كانت ماشيـه للتعادل وجاء هدف بيهرامي وصارت ضجــه ^_^
ومن الفرحـة يعني مـد لي يده مثل قولـة كفــّك ..وانا من الحمـاس ضربت كفي بـ كفـه بقوه
جاني اليوم الثاني يقول الله يهديـك .. ايدي للحين توجعني هههههههههههههههههههههههههههههه ^_^
والله هاذي هي مشاهدتي وبعض المواقف اللي صارت معي
وعساك ع القوة يا الوافي على هالموضوع
ولا تحرمنا مشاركاتـك و ردودكـ