والله شيء يحـز بالخـاطـر !
واعتقـد أخـوي خالد كفا و وفـا
مدرب فكـره عقيـم .. يلعب للابتعاد عن الهبـوط !
ومن متى لاتسيـو ينافس على الهبـوط
الموسم الماضي ما اعتقـد ان روسي كان له الفضل
اعتقـد الفضل كلـه كان للاعبيـن .. لأنهم شافوا ان اليوفي طايح والميلان ناقص نقاط كثير
فـ حبوا يستغلون هالشي
واللا الحبيب روسـي .. واضـح كل شي الحيـن
لحـد يجي يقول خل لوتيتـو يجيب لاعبين مثل الناس
يا أخي ميركاتو لاتسيـو الشتوي أخـذ اعلى نسبـه في اوروبا كلهـا
بيانكي .. روزينهال .. رادو .. دابو
غير هالشيء عندنا مدافع شباب ممتـاز أرتبولي انتقل في الميركاتو الصيفي
ولا مرة شفتـه يلعب !! .. مـع ان الكل يمدحـه ويقولون انـه افضل من كريباري !
شالمـدرب هـذا !!
مبـاراة مريضــة و تبديـلات من اول الموسم الى الآن مدري شلون قايلـه
دي سيلفستري عندي جاهـز .. ليـه اخسر هالتبديل والعبـه الشوط الثاني
ليه ما لعبته من بداية المباراة و خليت بيهرامي قدامـه .. والكل يعرف هالثنائي هذا لا صاروا بالطرف الايمن
ويطلع بانديف ويدخل بيانكي .. يخرب بيت ابو التفكير الكروي والتدريبي اللي عنده !
يطلع المهاجم المتحرك واللي يعتبر صانع لعب احيـان ويدخل لي رأس حربـة
مدرب عقيـم ويا كثر ما تكلمت عنــه
وانا ذكرت هالشي المباراة اللي طافت .. المباراة اللي طافت لولا البلنتيات اللي عطاها الحكم مجاناً لـ لاتسيو
ولولا تألق بالوتـا .. كان اتلانتـا دقوا خشوم لاتسيـو على ارضهم
ماني قايل العوض بالمباريات الجايـة لأن المباريات الجايـه ان جبنا 3 نقاط زيـن وبركـه
بقول الله يستر من باقي المباريات كلهـــا لين نهايـة الدوري