مـنـتـدى لاتـسـيـو لـلـعـرب

السلام عليكم ,.

بو عبدالله عيني عانك الله على الحلوين ذولا اللي ميدرون وش السالفة :biggrin23:

,.

إلى الربع اللي مو عارفين وش الطبخة , لكم الآتي :

في لعبة على موقع الاتحاد الاوروبي , و في قسم اليورو 2008 , هاي اللعبة سمها Fantasy يعني الخيالية أو الافتراضية بالعربي ,.

الموقع :http://en.fantasy.euro2008.uefa.com/

و طريقتها كالتالي :

تسجل في الموقع و كل المطلوب >> ايميلك و اسمك الأول و الثاني و باسوورد و شغلات بسيطة جداً و التسجيل ماياخذ وقت بنوب ,.

بعدها تنتقل لصفحة يقول لك اختار لك 12 لاعب مشارك في البطولة , 11 اساسي و 1 احتياطي , و توزيعهم كالتالي : 1 حارس 4 مدافعين 4 وسط 3 مهاجمين ,.

تسوي فريقك و لازم في دور المجموعات ماتخذ أكثر من 2 من منتخب واحد , يعني أخذت تشيفو و موتو من رومانيا ماتقدر تاخذ معاهم رادو ,.
نقلب الصفحة :book:

أول ما تبدا عندك 100 يورو و تاخذ اللاعبين بأسعارهم , فأحسن لاعب بالعالم كريستيانو :aa_yuck: سعره 14 يورو , تاخذ مدري منو له سعره كمان ,."

المنافسة تجي عن طريق اللي يجمع نقاط أكثر , و الطريقة كالتالي :

يعني أخذت مدافع >> المدافع اذا منتخبه ما تسجل عليه قووول و لعب أكثر من 60 دقيقة يحصل دايركت على 6 نقاط دام إن سجله خالي من الكروت الصفرا و الحمرا داخل المباراة , و لو صنع قووول هذي 3 نقاط يمكن زيادة و لو اهو ياب قووول هذي 5 نقاط زيادة

كذلك لاعب النص >> اذا صنع له 3 نقاط زيادة و اذا ياب له 4 نقاط زيادة ,.

اللي ياخذ كرت أصفر -1 و اللي ياخذ كرت أحمر -3 و الحارس كل 3 صدات بنقطة غير الـــ 6 اللي يحصلهم بمجرد لعبه و عدم دخول قووول عليه ,.

و الكابتن اللي تختاره يصير نقاطه الضعف >> يعني اهو ياب 6 تصير 12 بسبب إنك اخترته لأنه يكون كابتن .

تقدر تسوي تبديل واحد مؤقت أثناء الجولة و هو عبارة عن تنزيل ورقة جوكر , بعد انتهاء الجولة يرجع لاعبك القديم و يروح لاعبك الجديد.

أما التبديل الدائم >> فلك 4 بين كل الجولة الأولى و الثانية و الثالثة في دور المجموعات.

نقلب الصفحة :book:

طبعاً >> سجلو و اتوقعوا صح ميشان تكونون فوووق عالي السحب ,.

كلمة أخيرة : طبعاً الموقع يعرض لك ترتيبك على المشاركين كلهم و اللي هم فوق 300 ألف ,. و يعرض لك ترتيبك على lazio4arab اذا سجلت في هذي المجموعة كمان ,. (طبعاً انت أول ما تسجل انت دايركت محسوب في الترتيب العام , و انت بنفسك تروح تدور لك مجموعة تشارك فيها مع أصحابك و هذا شي اختياري بس lazio4arab).

و بعدين رسمياً هم ماليهم شغل في ترتيبك داخل مجموعتك هم عليهم بس من الترتيب العام (لأن فيها جوائز) و إنما هذي للحماس و الضحك و المهاوش في ما بين الشباب ,.

عموماً نتمنى لكم اختيار موفق.:lazio3: