|
مشاركة: لاتسيـو ينهـي سنـة 2008 بـ انتصـار على باليرمـو من بداية الدوري الى الحين ودي اعرف شنو تكتيك روسي!!!! ياخي نازل بتشكيله غريبه عجيبه . . ليديسما وليشتـ ومغني في الوسط . . لاعبين لا يجيدون لدفاع !!!! امام وسط مكون من ليفيراني وجوانا وسمبليسيو . . نفسي اعرف شنو المطلوب من لاعبين الوسط !! لاضغط على حامل الكورة ولا امتلاك الكوره ولا تمرير بين لاعبين . . اذًا شنو المطلوب من لاعبين الوسط !! اليوم اثبت لنا روسي انه مدرب خلاص افلس تكتيكيًا . . وربي ضحك العالم علينا وفضحنا مع اندية الشمال !! فوجيا شنو دوره بالضبط . . يعنى كل كورة يبي يطوف خمس لاعبين . . اعتقد فوجيا صانع لعب !! يعنى عليه ان يمول زاراتي وبانديف بالكورات وهذا يثبت ان روسي ضايع ولا لديه شخصيه !! انا اللى اعرفه المدرب يطلب من الاعب دور معين . . لكن مع روسي اضحك وانقهر !! طيب على اي اساس زاراتي رأس حربه ؟؟ . . هل لان زاراتي هداف الفريق !؟!؟ لو نلاحظ ان زاراتي اكثر اهداف خا رج خط الــ18 . . ؟؟؟؟؟؟؟ بانديف يملك طول معقول الى جانب القدره على المحافظه على الكورة بين قدميه !!؟ اذًا زاراتي كان يجب ان يكون خلف بانديف . . والله مايبيلها تفكيييييييير ؟!؟! على العموم روكي اثبت انه يلعب من اجل الفريق. . ياريت تتعلم يـ زاراتي ؟!؟! صحيح اني فرحت لـ الفوز . . بس قهرني بقاء روسي خاصةً في يناير !!! مبروووووكين شباب . . يستاهلون نسور روما الاول !! |
مشاركة: لاتسيـو ينهـي سنـة 2008 بـ انتصـار على باليرمـو السلام عليكم قبل كل شي مع الاسف يوم نبي لازيو يخسر يفوز :( نبي نشوف مدرب جديد خلاص ! اليوم الي شاف كتانيا يعرف يعني شنو مدرب !!! يأخي شارك باللاعب الياباني فقط لانه يعرف ماكسس و جوان ويعرف كيف بطيء تحركهم ! مش نحن طول الموسم والثلاث مواسم نفس التشكيلة اللهم لو مافي اصابات ماكان شفنا غيرها ! كتانيا لعب ضد روما اقوى من لقاء لازيو مع روما الديربي الاصعب ! والسبب المدرب ! امس الفريق فاز لان باليرمو كان سيء للغاية ! عمر اترك عنك ان الفريق وروسي كان صح ! الشوط الاول لعبتين مع بعض مافي الوسط كله ملك لباليرمو ! حسنة روسي الوحيدة ان اشرك روكي قبل الدقيقة 70 ! وبعدين يا شباب انا مستغرب منكم ! الحين روكي سبب المشاكل وكل يوم يصرح للصحافة واللوم كله على زراتي ليه ؟ اللاعب عمره 21 سنة ! وقدم عطاء خرافي والجماهير تتغنى فيه وامس واضح انه متأثر بسبب الخلاف الكبير بينهم وواضح ان الخلاف اكبر من تصريح روكي قبل اللقاء اولا عدم االلعب بالثلاثي وثانيا استبدالهم مع بعض وعدم ذهاب زراتي للسلام على روكي وعدم فرحته هذي مشاكل واضحه ما تبي اي تفصيل وفتاوي منا ! المشكلة كلها بيد روسي ولوتيتو وبالمقام الثاني تاري, غير هذا اللقاء ولا فيه ولا شي يذكر, وكالعادة نفوز يوم للاعبين يتحررون من خطة الــ 4-3-3 يوم اللاعبين يعتمدون على 4 - 2-2-2 يتغير العطاء ويكون الفريق افضل ! لكني امس كنت محتار من مركز فوجيا والله مركزه غريب جدا ! هل هو مهاجم ثالث او صانع لعب او ماذا ما ادري !!!! الله يعينا :( روسي باقي مع الاسف وهذا معناتها ان السوق هم بعد ضعيفه ! |
مشاركة: لاتسيـو ينهـي سنـة 2008 بـ انتصـار على باليرمـو ^ ـــ ^ انا ما مدحت روسي لكن إذا أصاب أقول أصاب وهو مفلس !! لكنه أصاب مايبيلها واحد اثنين بتغييره لزاراتي السئ ودخول روكي !! وخروج سيلفيستري الشارع ودخول دابو وبقائه على مراد لأنه كان شعله !! أما سالفة زاراتي نجم الفريق فوالله أني بديت أكرهه لأنه سبب المشاكل نعم سببها وبعد مباراة أمس وضحت وضوح الشمس !! حظرته مايبي يفرح بعد ترى ياما فرحنا قبل لانشوف وجهه !! |
مشاركة: لاتسيـو ينهـي سنـة 2008 بـ انتصـار على باليرمـو غريب امرك احمد خلاص زاراتي نجم وسوبر ستار . . يعنى ماننتقده ؟!؟! الصراحه شلت بخاطري عليه لم سجل روكي لم يفرح . . ترى سجل لـ لاتسيو يـ مغرور !! من كثرة انانية زاراتي . . من القهر بانديف لدرجه انه يروح لـ زاراتي وياخذ منه الكورة ةالحبيب زعلان !! ترى انت ماتلعب بروحك . . غيرك 10 لاعبين بالملعب . . وترى كان زاراتي الاسوئ في المباراة !! اتمنى ان تكون روحك رياضيه يـ زاراتي . . تمنيت انك تركض لـ روكي لما سجل الهدف !؟ والله ماذبحنا غير الصحف الايطاليه . . غصب طيب يخرجون افضل لاعبينا من الفريق . . ماصارت !! |
مشاركة: لاتسيـو ينهـي سنـة 2008 بـ انتصـار على باليرمـو اقتباس:
هلا الغالي لا صح تغييره سليفستري و دخول دابو كان سليم وانا معاك فيه لكن الظاهر ما ادرجته بالرد الي فوق.. لكن يالغالي هذي التغييرات كان يقدر يتخطاها لو بدأها صح, يعني وسط باليرمو هو نقطه القوة تروح تلعب ضده بنص ميت وتقريبا اول مره يلعب مع بعضه شوي صعب هذا الي اقصده ! وخطأ كان عدم فرحة زراتي مافي اثنين يختلفون عليها بس الخطأ الأكبر ان روكي ينشر غسيل المشاكل بينما زراتي الأصغر منه مايصرح عن اي اختلاف !!! |
مشاركة: لاتسيـو ينهـي سنـة 2008 بـ انتصـار على باليرمـو اقتباس:
هلا حبيبي لا هذا لاعب في الاول والاخير والكل ينتقد ويمدح مافي اي مشكله, لكني يالغالي يوم يسجل روكي هدف اقوم اقول انه هو الي مافي عليه وان سبب خسارة الفريق السابقه هي زراتي هذا شوي كلام صغير ! وعدم فرحته هذي مشكله لحالها والله العالم شو سببها ! |
مشاركة: لاتسيـو ينهـي سنـة 2008 بـ انتصـار على باليرمـو انا ماقول ان زاراتي سبب خسائر لاتسيو لا ابد . . !! انا اللى استغرب منه خروجه من الملعب+عدم فرحته في تسجيل هدف مهم لـ النسور قبل عطلة الاعياد !! وهو في المباراة لم يكن له حس ولا خبر فـ شاف روسي انه يبدله وانا كنت اتمنى خروجه لانه مو في يومه ابد!! على العموم لوتيتو يعرف شلون يضبطها . . وان شاء الله توقيع العقد يكون رسمي ونفرح ببقاء زاراتي معنا !! |
مشاركة: لاتسيـو ينهـي سنـة 2008 بـ انتصـار على باليرمـو الحمدالله على الفوز وان شاء الله الانتصارات تتوالى |
مشاركة: لاتسيـو ينهـي سنـة 2008 بـ انتصـار على باليرمـو بالتوفيق للفريق وانشاء الله تستمر الانتصارات |
| الساعة الآن 12:57 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir