|
رد: مباراة لاتسيـو و الميلان تنتهي بالتعادل الايجابي الجميع قدموا اداء مميز .. اخص بالذكر ماوري :11rob: بروكي , موسليرا , ليشتاينر :11rob: والبقيه ماقصروا .. لكن كولاروف كان اسوأهم.. |
رد: مباراة لاتسيـو و الميلان تنتهي بالتعادل الايجابي ألف مبروك شبااب عودة النسور للمستوي المعهود نتيجه ايجاابيه نوعاا ماا ولو اني تمنيت الفوز لأن ماارااح ن حصل الميلان هيك بعد وقت |
رد: مباراة لاتسيـو و الميلان تنتهي بالتعادل الايجابي السلام عليكم بصراحة الفريق قدم مباراة كبيرة والتعادل عادل ..وعجبني ليتشستاينر ... بس قهر والله ما نفوز على فريق قلب دفاعه فافالي خخخخخخخخ |
رد: مباراة لاتسيـو و الميلان تنتهي بالتعادل الايجابي كان بالإمكان أكثر مما كان........... كُـنا نستـطيع الخـروج بثـلاث نقـاط بفرصة دياز لكن للأسف |
رد: مباراة لاتسيـو و الميلان تنتهي بالتعادل الايجابي السلام عليكم مبروك النقطة، مبروك لانها هدف الفريق اليوم لازيو قال إلى ميلان نحن راح نطبق عليكم المثل الي يقول « أرحمو عزيز قومٍ ذل» وكان لازيو بكل بساطة بإمكانه تحقيق الثلاث نقاط، ولكن ريا له رأي آخر، ويوم عن يوم اشعر ان المدرب عارف شالمطلوب وشنو لازم يقدم ! أعتقد ان نقطة لازيو هي الهروب اكثر من القاع، ونقطة الميلان هي البقاء في دائرة المنافسة، ولهذا لا استبعد وجود الكبارية في الموضوع ! الفريق كان مميز جدا فيما عدا الإثنين الي دائما هم الأسوء، ليدي سيما، كولاروف الإثنين يجب التخلص منهم وبسرعة ! يا أخي جرب بروكي مع بارونيو شوف كيف يكون الوسط ! العلة ماهي في ليدسيما العلة ان الوسط بدأ يتماسك به وبعدمه واحد ! روكي - زراتي،، الإثنين ولأول مره منذ موسمين يلعبون باصات بينيه هات خذ بينهم في آخر لقائين، وهذا يعني ان بالا كان مخطئ كذلك بتصريحه ضدهم ! كروز،، أعتقد ان كروز نازل اللقاء مش علشان التسجيل ولا الضغط الهجومي أكثر من الإبقاء على سيلفا و فافالي في خط الدفاع ! فعلى الأقل كبنية جسدية وجوده بينهم أفضل من زراتي وروكي ! التبديل الغريب كان فوجيا ! لان فوجيا مالمس كرة صح، وكان ضيف شرف،، يسرح ويمرح ويعترض على الحكم كالعادة ! مع اني توقعت منه ان يثأر للفريق الي كان معاهم سابقا ! روكي،،، لايزال كما هو، ضايع وسرحان، ومشكلته في تركيد واستلام الكرة لازالت مستمرة ! وجوده والعدم واحد مع الاسف ! زراتي،، واضح ان شايل هم وضغط نفسي كبير، وكل كرة يمسكها يحاول يمررها الا فيما نذر ورواغ في كم كرة اليوم والله كان واضح عليه انه يسعى لإرضاء أحد الأطراف،، «المدرب» بعدم اللعب بفردية ! أتمنى أن أرى فلوكاري وزراتي جنبا إلى جنب، بشرط يكون زراتي بالأمام و فلوكاري خلفه، زراتي يحتاج هدف،، ويرجع كما كان،، مع العلم ان تمريراته كانت حاسمه هاللقائين،، ويبقى الملك،، يكفيه البوت الروعه الي عليه :11rob: »»»» هذي لعيون بورباع حبيب قلبي. ماوري،، مبدع، مبدع وفنان،، فعلا ماوري عاد كما كان، ويامه قال للمهاجمين ها سجلو،، وهم الله بالخير ! بروكي، وحش، وأحسه من أشبال النادي لغيرته على الفريق، ياليت في لاعبين اثنين او ثلاثه مثله في الفريق ! دياز،، برازيلي في الكاليشتو ومدافع، صلب بهذي الصورة،، شكرا لوتيتو ابدعت بهذي الصفقة ! رداو،، أسد أجمل لاعب في موسم لازيو السيء هو هذا الروماني الرائع ! ولكن ما اعرف ليش صار الضرب بينه وبين ماوري، وحتى ماوري عطاه نظره :boredom: خخخ يقول في خاطره انا الكابتن يامان خخخ هاردلك التعادل،، ومبروك استمرار حصد النقاط وهو الأمر الذي لم نتعوده منذ فترة ! |
رد: مباراة لاتسيـو و الميلان تنتهي بالتعادل الايجابي غريب رأي بعض الاعضاء اتجاه ليديسما !! ياخي اذا تنتقدوا تمريراته فـ لعلمكم هو الي صنع الهدف ومن ناحية الاداء كان مقفل العمق صح ومخلي ميلان يلعب على الاطراف |
رد: مباراة لاتسيـو و الميلان تنتهي بالتعادل الايجابي ^ ــــ ^ الأغرب من هذا أن أرى إنتقاد لروكي !! لاحول ولاقوة الا بالله والله اسندت نفسي عن الكتابة !! مادري انا شفت مباراة ثانية غير اللي شافوها الأعضاء الكرام !! الكل شاف لما طلع روكي وش صار بالفريق ! إذا قلنا لكم روكي يربط بين الوسط ويخترق من الخلف بشكل ممتاز !! خله يضيع وحده بس يخلينا نهاجم وخطرين ونضيع بدل ماينزل غيره ويخلينا نتراجع للخلف !! أنا بس أرفع القبعة لشخص كنت أنتقده على الدوام لكنه في الفترة الأخيرة يسكت كل فم يتحدث باسمه ! بروكي :aa_mobi: تستحق أكثر من الثناء مباراة الفيولا ومباراة ميلان بروكي غيييييييير مادري عشانهم انديته !! دفاعنا ماراح اتكلم عليه لأنه الأفضل منذ بداية الموسم وبو دماغ دياز فعلاً اللاعب دخل جو الكالتشيو !! زاراتي في الشوط الثاني كان أكثر من ممتاز لاعب يسلم ويستلم ويخترق صح وماتنقطع منه لاا بفاول !! هذا زاراتي اللي نبيه صحيح كان متراجع للخلف لكنه كان خطر !! للأسف تغيير كروز لخبط كل الأوراق وأثبت المدرب أنه كان يبي نقطه خوفاً من ضياع النقاط جميعاً !! صحيح واجهنا ميلان ضعيف عناصرياً لكنه كان متحمس ومندفع بصراحة روحهم سلبت منا الفوز !! لو كان ميلان اقل روح من اللي شفناه كنا بنفوز !! وهاردلك لنا الثلاث نقاط ومبروك النقطة وبرافو لاتسيو الأهم أننا لا نخسر ولا نتعادل مع الفرق التي في مستوانا !! |
رد: مباراة لاتسيـو و الميلان تنتهي بالتعادل الايجابي ألف مبروك الفوز يا شباب نقطة خير من لا شيء.. هذا ما كان يدور في بال ريا لاتسيو وجد شخصيته أخيرا و ياريتك يا ريا جيت من زماااان.. سبع نقاط في أخر ٣ مباريات اثنين منها خارج الديار برافو ريا.... و برافو على قراءة المباراة و إبطال مفعول الميلان بأكثر من مرة ... و لا ننسى الأداء الرجولي من الليخت و رادو و ستينداردو و موسليرا و بروكي و حتى ليديسما أرى أنه قدم مباراة جميلة و له الفضل الأكبر بهدف التعادل... ليديسما له ثقله في وسط الميدان لا أدري لما كل هذه الكراهية اتجاه اللاعب... في الأمس كان له وزنه في الملعب بقطع الكرات و تهدأة اللعب و التمركز و البدأ بالهجمات العكسية... على كل حال مبروك عليا النقطة الثمينة من الميلان و انشالله فوزين قادمين أمام نابولي و بولونيا ينقذون موسمنا بشكل كامل و نبدأ بعدها الإستعداد من جديد للموسم القادم.. |
رد: مباراة لاتسيـو و الميلان تنتهي بالتعادل الايجابي صحيح واجهنا ميلان ضعيف عناصرياً لكنه كان متحمس ومندفع بصراحة روحهم سلبت منا الفوز !! لو كان ميلان اقل روح من اللي شفناه كنا بنفوز !! --------------- صحيح كلامك كل الاعبين ادو ما عليهم ولكن حماس الميلان والمباراة على ارضهم ارغمت الفريق على الحذر والتراجع ومن هالناحية كان الوضع مقبول بعكس المباريات الي راحت قدام كييفو وطقته على ارضنا نجيب قول وندافع عليه هنا كان الغلط ولا تنسوا ان ميلان كان يبعب بـ خطة 4-3-3--3 على قولة مورينيو وفريقنا عانى من التكسير طول المباراة + البلنتي الغبي |
رد: مباراة لاتسيـو و الميلان تنتهي بالتعادل الايجابي انا حبيت اشكر اللاعبين على المجهود ووالمستوى العالي للفريق .. يعني كل هالظروف الا ان الفريق ادى بشكل ممتاز والاهم الان المباريات القادمة .. مصير الكالشيو ومن سيفوز فيه في ايدينا ؟ لاننا راح نلعب مع روما والانتر :=والمبارتين على الاولمبكو .. اناا اتمنى الفوز في المبارتيت القادمتين علشان نتفرغ للديربي والانتر .. |
| الساعة الآن 06:58 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir