|
رد: فهمنا قصتك يالوتيتو ؟؟؟!!! بداية تحية خاصة للغالي جدا :- The Game مع اني والله ياخوي عتبان عليك على تعديل المشاركة الاخيرة ضد المشجع الروماوي مو عشان شي بس لانه يستاهل بس وش نسوي تمون والله . بالنسبة لصفقة لوغانو انا حقيقة صدمت مثل غيري بتجديد الاعب لعقده مع فناربخشة وللامانة فان جميع الاخبار اكدت ان مسالة قدوم لوغانو مسالة وقت واكدها تصريح موسليرا الاخير لكن ايش نسوي ماهو مكتوب لنا ... الغريب ان تاري طلع وصرح وقال ماكان هدفنا لوغانو اللي يسمع يقول هدفك جون تيري والانستا للاسف انا اعتقد ان لاتسيو ماوافق على رفع سعر الصفقة واصر لوتيتو على مبلغ 1.8 مليون يورو وهذا الشي اللي جعل لوغانو يترك لاتسيو . على العموم باقي على الانتقالات تقريبا 13 يوم وخط الدفاع خطير جدا بوجود الكارثة سيفيليا اتمنى من لوتيتو ايجاد مدافع متمكن باسرع وقت والا فسيكون الموسم فاشل لان الدفاع بصراحة وضعه مزري ومن الان لن نقول مبروك او نفرح الا عندما يكون الخبر رسمي (جننتنا يالوتيتو) |
رد: فهمنا قصتك يالوتيتو ؟؟؟!!! اقتباس:
التعديل كان فقط ازالة كلمة وحده و الروماوي وقفناه وانتهينا من قصتـه |
رد: فهمنا قصتك يالوتيتو ؟؟؟!!! السلام عليكم ورحمة الله وبركاته اقتباس:
لو نشوف مسلسل لوغانو في بداية أرتبط أخباره اللاعب مع لاتسيو قبل أنتهاء الموسم الماضي إلى قبل أمس . الموضوع صاره ثلاثة شهور كان بإمكان لوتيتو أن ينهي التعاقد مع اللاعب أويصرح وينفي هذه الاخبار في موقع الرسمي. مش وكذلك بجلب مدافع اخر ولكن حتى الان لم يتم جلب إي مدافع . الاحداث كله توضح أن لوتيتو جالس يفاوض مدافع قوي ولتيتو يحب البلاش وهناك أسم واحد في الوجهة و هو "لوغانو" , لو نأخذه بالاحداث : 1- لو تذكر كان في تصريح لـلوتيتو بعد تحقيق الفريق لكأس "على ما أذكر " أن راح يجلب مدافع قوي بجانب دياكتي 2- بيع روزينال سعر 3- و كذلك تصريح لوتيتو إلا ذكر فيه أن هناك إتفاق مع اللاعب " في الموضوع حق حسام " المشكلة السوق باقي عليه 13 . اقتباس:
أتمنى أنك تعطيني أسم للاعب واحد في السوق وبشكل مجاني بحجم ومستوى لوغانو بفعل ماهو أخر مدافع في العالم بس هو أخر وحش مجاني و بلاش . |
رد: فهمنا قصتك يالوتيتو ؟؟؟!!! عواد العاطفة هي انك تدافع عن لوتيتو بأي شي كان غلطان ولا مو غلطان المهم انك تدافع عنه وبس ان مثلا ياما مدحت لوتيتو على اشياء سواها لاكن انت ما عمري شفتك منتقد لوتيتو فـ اي شي دايم لوتيتو عندك صح والآخرين هم الغلط وآخرها سالفة الـ زراتي وماتو الي انت تعتبرها من صفقات الموسم بس علشان لا احد ينتقد لوتيتو ويقول ما دفع شي في الميكاتو وغيرها كثير مستعد اذكرها بس انا ما ابي اوجع راسي على واحد كذاب مثل لوتيتو |
رد: فهمنا قصتك يالوتيتو ؟؟؟!!! يـا شباب في نقطة لازم يتم توضيحها .. مسـالة بقـاء لوغـانو هـي مسألة خاصه في الاعب .. من كان يتوقع لوتيتو يدفع 2 مليون راتـب للأي لاعب ؟! يعني فـي تقدم على الأقل شـوي .. كـل مافي المسألة جـاء له عـرض أفضل من ناديه لتجديد .. ومن حق الاعب اختيار الانسب والافضل لـه ..! وكثيييييييييييييييير تـصير لأنديه كبيره مثل هذي الأمور ..! ممــكن استغنى عن فكرة لوغانو لـوجود الأفضل ؟! كـلها امور وارده .. الانتقاد فـي النهايه .. بعد نهاية سوق الانتقالات .. |
رد: فهمنا قصتك يالوتيتو ؟؟؟!!! اخر خبر بخصوص راتب لوغانو من قبل موقع فنربخشه التركي هو .. مبلغ 2.5 مليون يورو بالسنة .. ! وليس 3 مليون كما ذكرت الصحافه الايطاليه .. |
رد: فهمنا قصتك يالوتيتو ؟؟؟!!! هلا بالغالي محمـد يالامير يا بعد راسي .. لوتيتو مو وكلني محامي له ^_^ ولكن الرجل يشتغل صح حتى لو كان فيه بطء والدليل انه يشتغل صح قاعد يحصد ثمار شغله الصح جبنا الكاس و جبنا السوبر اللي 90 % ويمكن اكثر متوقعين الخسارة اما اني ما عمري انتقدت لوتيتـو .. هاذي مو بمحلهـا ابـد انا اول واحد انتقده على الراعي الرسمي المجاني So spi وانتقدته على بيعـة مودينغاي رغم ان العرض حلو ولكن مودينغاي من افضل اللاعبين اللي عندنا وانتقدته على فينارولي وبعدها صرت مع الصفقة لأن فينارولي عجبني صراحـة وانتقدتـه على فشله في تدعيم ميركاتو الابطال .. ولو ان ساباتيني يوم طلع من لاتسيو قال انا السبب ولكن يبقى لوتيتـو له يد في الموضوع وانتقدته على بقاء ديليو روسي .. وانتقدته على احتفاظه بـ ليديسما :) وغيره والله هذول اللي طروا على بالي \ \ ومحشوم يا محمد انت وباقي الاخوان من الغلط المنتدى وجد للاراء .. انت لك راي وانا لي راي وغيرنا له راي يختلف عني وعنك و وجهات النظر كلنا نحترمـهـا اما سالفة ماتوزاليم و زاراتي فلوسهم تم دفعها هالموسم وتم تسجيلهم رسمياً معنا هالموسم يعني لو لوتيتو ما اشترى زاراتي و ماتوزاليم وش يكون وضع لوتيتو و وش يكون وضع زاراتي وماتوزاليم انا وقوفي مع لوتيتـو ما هو اني بوقف معه وبـس ولكن انا اشوف ان الرجال يشتغل صـح وماشي في درب صـح لو دربـه غلط بكون ضده باللي قاعد يسويـه \ \ \ هلا وغلا بالغالي سيرجيـو بالنسبـة لكلام الصحافة او كلام الميركاتـو اقرب مثال ليديسمـا .. يبونه اليوفي والانتر ومدري منو من السنـة اللي طافـت و وكيله يسولف ويقول تحدثوا معي ومدري شنـو وآخرتها كوبولي رئيس اليوفي ينفـي .. والانتر ما يبـونـه .. والميلان ما سمعنا تصريح انهم يبونـه وكلـه طلع كلام فاضي وهذا ليديسما الحين يتمصلح ويسوي نفسه مسكين عشان يقعد بالنادي وكلام مانشستر سيتي و الميلان ومدري منو يبـون زاراتـي ودافعين مبلغ اعلى من المتفق عليـه كلـه طلع كلام فاضي اما النقاط الثلاث اللي ذكرتهـا هاذي تقريباً نظريـات وما هي واقـع ملمـوس لوتيتـو قال نبي مدافـع و لوتيتـو يحب ابو بلاش وبيع روزينال كله يؤدي الى البحث عن مدافع فقـط وما هو لوغانو .. ليـه ما قلنا مثلاً سيفيلي الارجنتيني !! اما تصريـح لوتيتـو اللي اخبـره قال انه ما راح يتكلم عن شي اللا اذا تم التوقيع وكانت العقد موجود ويسألونه عن لوغانو ويقول لوغانو مدينة بسويسرا اما مسألة لوغانو انا اكثر واحد بالمنتـدى يمكـن متحطم فيـه ويبيــه هالاوروغوياني عاجبني بشكل جنـوني وعز الله ما حنا لاقيـن مثلـه ولكن ما هو آخر مدافع بالعالـم .. عندك سيفيلـي انتهـى عقـده حتى الارجنتيني هذا مدافع ممتـاز وفي غيره مدافعين ممتازين ممكن يجون مو شرط في بلاش |
رد: فهمنا قصتك يالوتيتو ؟؟؟!!! اخوي دا جيم بيني وبينك ماكذب عليك اذا قلتلك اني كنت واثق بفوز لازيو على لاقل مب خسران في كاس السوبر لان عندنا مايسترو بلارديني لكن مشكلة لوتيتو مايحب يشتغل على انتقالات لان الفلوس عنده مهمة وضرورية ويريد الحفاط عليه ويريد يجازف ولو فلس واحد علشان مصلحة الفريق وهذا الي شفناه من اسلوبه لوغانو اليوم بيكون لازيالي لولا تعند لوتيتو بالمبلغ !!! بلاخير مريكاتو بعده ماشي وبنشوف اذا راح يجيب لاعب ثاني او لا |
| الساعة الآن 07:32 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir