|
رد: اسباب وحلول مشاكل الفريق ونتائجه السلبية !! يعطيك العافيـة يا محمـد موضوع روعـه ومتعوب عليـه وتحليل ممتاز وفوق الممتاز اختلف معاك في نقطـة او جزئيـة صغيـرة وهي مسألة مراد مغني ومهامـه في مركز المحور مراد تطور تطور كبير هالموسـم .. وابدع في مركز المحور الايسر يدافع .. يقطع الكور .. يضغط على حامل الخصم .. يصنع .. يهاجم يعني على قولتهم Full Option فول ابوشن لكن مشكلتـه لياقتـه ضعيفـه بالنسبـة لخطـة الفريـق .. في اكثـر من خطـة تلائـم فريقنـا ولكن الخطـة اللي حطيتها 3 \ 5 \ 2 ممكن تكون الافضـل والسبب الاسباب اللي ذكرتها فوق وايضاً عندك خطـة جنـوى مقاربـة لخطة نابولي وبنفس الصفات .. 3 \ 4 \ 3 في جنوى ميستو ومديستو اساساً ظهيرين ولكن يلعبون اجنحـة وفي وقت الدفاع يتراجعون ولكن هالخطـة تحتاج رأس حربـة صريـح مهاجم صندوق .. اي كرة عرضيـة يخلصها وهالشي ما عندنا في فريقنـا . وايضاً في خطـة مناسبـة وهي خطـة رومـا الموسم الماضي 4 \ 2 \ 3 \ 1 كاريزو كولاروف ... روزينال ... دياكيتـه ... ليشتستاينر ماتوزاليم .... ليديسمـا فوجيــا ........... بانديــف ............ زاراتــي روكـي هالخطـة مناسبـة وحلوه وهجوميـة لصالحنـا .. الرباعي الهجومي يقدر يلعبون ويا بعـض في خطط كثيـرة ولكن ديليو روسـي يفضل هذه الخطـة لأسباب غريبـه ونجهلها .. ولكن اتوقع والعلم عند الله انه يعتمـد على هاذي الخطـة عشان ليديسمــا :) ! ليديسمـا اول ما جاء الى لاتسيو في موسمـه الاول كان عادي .. والسبب خطة 4 \ 4 \ 2 حتى بارونيو كان يلعب بدالـه ويبدع بارونيو والكثير من الشباب بالمنتدى اذكرهم كانوا يطالبون بـ بارونيو اساسي ولكن روسي غير الخطـة عشان يكون ليديسما مثل ما كان في ليتشي ليبرو في خط الوسط فـ اعتقد روسي مو قادر يغيرها لأن يدري ان ليديسما ما راح ينجح حيل فيها ! وهو ما يقدر يستغني عن ليديسمـا ابداً ! بالنسبـة للمجاملات .. ما نقدر نضيف اكثر مما ضفتـه في ساعات كثيـرة ماكينوا كان اسوء من السيء ونشوفه يلعب وفي ساعات كثيرة نشوف ليديسما سيء وضايع وممنوع لمسـه في الموسم الماضي روزينال لاعب دولي واساسي مع منتخب قوي مثل التشيك ومستواه معروف ولكن روسي يجامل سيفيليا وكريباري على حساب روزينال وغيره وغيره وغيره !! روسي فاقد الشخصيـة ويحب اللاعبين اللي يمدحونه وما يقولون له اي شي او ينتقدونه فـ نشوف سيفيليا ومانفرديني والطقة هذول هم المحببين لروسي اما اللي يتكلم ويسولف ويقول ابي العب ومن هالامور هاذي مصيره خارج النادي مثل موتاريللي ومودينغاي وستينداردو .. وحتى روكي يوم سولف لو هي بأيد روسي مو بأيد لوتيتو كان قال بيعوا روكي :) الحلول موجوده مثل ما ذكرتها يا محمـد واكثـر لكن وين اللي يفتح مخـه ويشوف ويغير ويبدأ يشتغل صح ! عساك ع القوة يا الغالي ولا تحرمنا من هالمواضيع الحلوة |
رد: اسباب وحلول مشاكل الفريق ونتائجه السلبية !! [quote]1- أنانية زراتي الزايدة عن الحد، و تضييع أهداف كثيرة على الفريق بسبب هذي الأنانية. اقتباس:
اقتباس:
وما دخل خط الهجوم !! البلا كله من خط الدفاع خط الدفاع استقبل حتى الآن 35 هدف كييفو الاخير خط دفاعه استقبل 32 هدف بأختصار دفاع فريق ينافس على الهبوط خط الهجوم سجل 32 هدف وهي تعتبر نسبة ممتازة حتى الآن اقتباس:
اقتباس:
اساسا الفريق يحمى اكثر في الشوط الثاني واللياقة ترتفع وقارن بين الاهداف الي جت في الشوط الاول والي جت في الشوط الثاني اقتباس:
اقتباس:
هنا اتفق معك شكرا على مشاركتك هلا عواد اقتباس:
اقتباس:
ابيك تقارن بين الدور الي كان يقوم به موتا او بيهرامي في الوسط الايسر وبين مغني ورايح تعرف انهم تكتيكيا افضل من مغني بكثير لاحظ مغني في المبارايات القليلة الي لعبها خلف المهاجمين يبدع اكثر مغني مكانهالافضل صانع العاب اقتباس:
اقتباس:
كانك يا بو زيد ما غزيت كما ذكرت لك خطة تحتاج للاعبي اطراف يلتزموا تكتيكيا وزراتي وبانديف لا يناسبوا هذه الخطة وايضا لازم راس حربة صريح روكي ما ينفع خطة نابولي افضل بكثير اقتباس:
اقتباس:
خطة ممتازة من زمان ودي الفريق يجربها بس مع روسي مستحيل يجازف ويعملها هذا اصلا لو يشوفها شهق وطاح غشيان اقتباس:
كما اوضحت لك مجاملات روسي تعتمد على شيئين 1-لاعب هو كان وراء شرائه وطلبه بالاسم 2-لاعب حقق معه نجاح في السابق اما مسألة الاعبين الي يحبونه هذي ما اعتقد هذا اصلا ما اتوقع في لاعب يحبه يمكن مانفر وسيفيليا بس ملاحظة اخيرة للييقول تغيير الخطة ما راح يفيد روما بعد ما كانوا رايحين فيها بمجرد غيروا الخطة الى 4-3-1-2 تغيرت نتائج الفريق بسرعة مورينو يوم حس ان خطة 4-3-3 فشلت والاجنحة مستواهم زفت بسرعة غيرها الى 4-3-1-2 ورجعت النتائج والمستوى شكرا للجميع على مشاركتكم |
رد: اسباب وحلول مشاكل الفريق ونتائجه السلبية !! ^ ــ ^ محمد أحسك أحيانا تبي تسولف بس بردودك أو أنك ما تقرأ الكلام زين !! ياخي تقارن لاعبين مورينهو بلاعبينا لهم خصائص غير لاعبينا فنياص غييير !! عندك زانتي ومونتاري وستانكو وكامبياسو وفييرا هذا نص بالله عليك يشيل نجوم العالم !! ويلعب بأكثر من خطة ماعنده مشكله يدافع يهاجم !! لاعبينا ماتنفع لهم أي خطة وإذا غير بهذولي اللاعبين ما راح ينجح وانا ذكرت تغيير الخطة لـ 4-4-2 !! هذه اللي ما تفلح أما خطط عواد اللي وضعها وضعها على خصائص لاعبينا وهذه اللي ممكن تفلح !! |
رد: اسباب وحلول مشاكل الفريق ونتائجه السلبية !! عمر الحين انا قارنت بين لاعبينا وبين لاعبين الانتر !!!!! انا قلت مورينيو يوم شاف خطة 4-3-3 ما تناسب فريقه غير الخطة وشال الاجنحة |
رد: اسباب وحلول مشاكل الفريق ونتائجه السلبية !! ^ ـــ ^ انت ما قارنت مباشر لكن قلت فريقنا يغير الخطة لأن الإنتر غير الخطة !! وهذه تعتبر مقارنة لأن الإنتر يقدر يغير خطته كيف ما يبي لأن عنده لاعبين مميزين !! مبدأ التغيير ممتاز ماحد يختلف فيه ومافي فريق بيلعب خطة وحدة طول تاريخه لكن الخلاصة !! إني أقول فريقنا الحالي وبخصائص اللاعبين مايصلح نغير لأي خطة لأن المحاور ياكثرهم والسبب روسي كل طلباته محاور في الفريق وأجنحة فقط فوجيا ومغني ودل نيرو وماوري ماينفع جناح لأنه بطيء !! |
رد: اسباب وحلول مشاكل الفريق ونتائجه السلبية !! عمر انا قلت نغير لخطة 3-5-2 وين الاجنحة فهذي الخطة !! الاجنحة هم نفسهم الاظهرة |
رد: اسباب وحلول مشاكل الفريق ونتائجه السلبية !! ^ ـــ ^ هذه مناسبة لكن نقطة الخلاف كانت يوم جات سيرة 4-4-2 !! ومادري من جابها الزبدة اني ماحبها هالخطة اذا 3-5-2 ممكن !! |
رد: اسباب وحلول مشاكل الفريق ونتائجه السلبية !! انا ما جبت سيرة 4-4-2 ولاكن قلت انها ممكن تكون افضل من 4-3-3 اليوم روسي يعلن تخلفه مهزوم امام فريق ضعيف ومصر على الارتكازات العقيمة على العموم واضح جدا خطة الثلاثة محاور بدون ليديسما ما تنفع وهذا الشي لازم يفهمه الدلو |
رد: اسباب وحلول مشاكل الفريق ونتائجه السلبية !! الله يعطييك العافيه على موضوعك الحلو وطرحت نقطه جميله بالنسبه لخطتتك 253 ارى لو عندك محور كامكليلي او لسانا ديارا يكون مكمل لماتوزيلم لاكن منو عندك الهرم دابو وبروكى صفر على اليمين ولديسما محد حولك مع اعطاء ماورى او مغنى فرصه خلف المهاجمين فارا انها افضل لان هاذولا الاعبين يتميزون بصناعة اللعب مع اعطاء فرصة لمنديتشيو شبيه كورادى لاكن المدرب ماحولك احد امنية فى هاذى اللحظه واهى المدرب مانشينى فهو ضالة لاتسيو مشكور اخوووى |
| الساعة الآن 07:22 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir