|
مشاركة: ثالث خسارة .... من المسؤول ؟ [ أراءكم و تعليقاتكم ] تعليقي شيء عادي أذا كان عنك مدرب حيوان متل روسي |
مشاركة: ثالث خسارة .... من المسؤول ؟ [ أراءكم و تعليقاتكم ] شباب ليش كلكم تلمون روسي طيب حنا بالشوط الاول مسكنا اللعب الى ان جاء فاول نابولي وتسديدة لفيزي الشوط الاول بمجمله حنا كنا اخطر وش مشكلة المدرب اذا زاراتي وبانديف تاننو وضيعو هجمات ما تضيع من اي لاعب وش مشكلة المدرب اذا ماوري ضيع اسهل كوره بالمباراة والله صدقوني المدرب لعب المباراة صح بس اللاعبين ضيعو وصارت علينا المقوله اذا ضيعت فانتظر هدفا في مرماك والشوط الثاني هدف نابولي خطا من سيفيليا والله روسي لعب صح اللاعبين ما لعبو صح والله ضاع 3 او اربع اهداف محققه وجا هدف صدفه حظ لنابولي انا اشوف المدرب ما قصر اللاعبين قصرو بتضيع الهجمات واللعب بستهتار وكانها مباراة تدريبيه واسف اذا طولت عليكم |
مشاركة: ثالث خسارة .... من المسؤول ؟ [ أراءكم و تعليقاتكم ] أول شي هاردلك الهزيمة ونقطة واحده من آخر ثلاث مباريات منها مباراتان على ملعبنا ؟؟!!!!:furious: :furious: عندي نقاط على الفريق بشكل عام: 1- انا من مبارة بولونيا الأخيرة قلت في موضوع النقل المباشر " والله العظيم ما راح نسجل اي هدف ما دام لديسما مستمر على لعب الكرات الطويلة" يعني الدفاع والوسط يقاتل عشان يقطع الكوره وفي الأخير لديسما كوره طويله توصل لدفاع الفريق الثاني وهجمه من جديد على لاتسيو. 2- المدرب أي لاعب يهبط مستواه لو شوي في مبارة على طول شهر كامل على الدكه تذكرون كولاروف الموسم الماضي لكن سيفيليا ومانفرديني غصب يلعبون لو يسون ايش اساسي غصب عن الكل. أما ماوري:furious: :furious: فهذاقصه لوحده بالغصب يلعب كل العالم قالوا مستواه هابط يقول طال عمره اصبروا يرجع لمستواه!!!!!!! الموسم الماضي كله وحنا ننتظر ماوري يرجع لمستواه إلى متى يعني نصبر لمى نصير في السيريا بي :furious: :furious: :furious: :furious: :furious: . 3- أتحدى أحد في العالم يجيب لي فريق يلعب بـ ثلاثه لاعبين محاور دفاعيه أتحدى ؟؟؟؟؟ ما راح تلقون فريق يلعب بالطريقه هذي لأنه بكل بساطه خطيرة جداً جداً على أي فريق لأن بتمريره وحده بين المحاور ينكش الدفاع كله وتذكروا مبارة السعوديه وألمانيا 8-0 وتعرفون وش أقصد لمى لعب ناصر الجوهر بثلاثه محاور وش صار؟ تاريخية. آسف على الأطاله لكن هذا اللي في قلبي شكلنا بنقول هاردلك كثير السنه هذي بسبب هالمدرب |
مشاركة: ثالث خسارة .... من المسؤول ؟ [ أراءكم و تعليقاتكم ] الشئ الوحي اللي اعرفه ان الجمهور ماله ذنب في الخسارة الخسارة مثل المكسب من صنع ثلاث عوامل رئيسية الادارة - الجهاز الفني - اللاعبين بانتظار اعادة المباراة الله يصبرنا |
مشاركة: ثالث خسارة .... من المسؤول ؟ [ أراءكم و تعليقاتكم ] السلام عليكم اول شي انا راح ادرج تشكيلة اللقاء ومنها للشباب الي ما شاهدت المباراة تحكم ! كل المواقع والقنوات ادرجت تشكيلة لازيو على إنها 4-3-2-1 وبتتكون من كاريتزو رادو - روزينهال - سيلفيا - ليتشــ مانفيرديني - لييدسيما - بروكي ماوري - زراتي ،،، في مواقع ذكرت ان زارتي - بانديف وماوري راس الحربة !!! بانديف من بداية اللقاء مباشرة الخطة بانت على حقيقتها وهي الخطة العقيمة الي لعبنها من ثلاث سنوات ومن سنتين ما فزنا فيها ولا مباراة ! 4-3-1-2 وطبعا صناعة اللعب ماوري ! بالذمة شنو الي تغير عن الموسم الماضي ونكباته ! الخطة نفسها وقلب الدفاع ما تغير ! والإظهره ما تغيرت الا السويسري ! الهجوم وجود قوة لكن هذي القوة ما تستلم الكرات صح شنو نستفيد !! زراتي ضيع فرصتين أهداف محققة ! ماوري ضيع كوره والمرمى مفتوح شنو ينتظر ! لازم يتدلع ! هدف في مرمانه ! الي شاف المباراة يحكم ان لافيتنزي يوم يتحرك يتحرك من جهة سيلفيا والله روزينهال عرف كيف يأدبه ويوم يبي يتحرك يضربه ويخليه مكانه ! هذا الفرق بين مدافع وبين مهرج أحمق ! والقهر ان في تصريح للعقيم روسي يقول ان شغله الفيديو وتعلمو من أخطاء بولونيا ! ويش الي تعلموه !!!! الخطة ما تنفع تعبنا وإحنا نقووووول ليه الوديات كلها بخطه غير ويوم بدأ الدوري خطة غير ويوم توفقنا بخطه الغفلة 4-4-2 التقليدية تقوم تردنا للمصايب بهذي الخطة !! صحيح اننا جماهير بس خلاص !! شنو فايدة دكة الإحتياط والإنتدابات والفريق الشاب اذا انت تبي تركز على مانفيرديني وتبيه غصب يتعلم أو تبي تلعب بروكي حتى يعوضك غصب عن موتاريللي ! فوجيا ليه كان إحتياااط ! ليه ؟ إنزاغي جاهز ليه ما تشركه بدل البنت ماوري وتلعب بانديف خلف المهاجمين ! يا أخي ريح بانديف لازم ينصاب بعدين بتريحه !! القهر والله ماهو على النتيجة لكن القهر على إننا من نشوف التشكلية نعرف اننا خسرانين ! حتى الهندي الي يغسل السيارة يعرف لازيو شنو بيلعب بأي تشكيلة ومن بيدخل مكان من ! ودي يوم واحد نشوف الفريق يلعب بــ 3-5-2 عندنا كل مقومات نجاح هذي الخطة ! لكن الأحمق من يعرس على شي ويحس ان زين ما يغيره ! ليه الإصرار على تدمير سيلفستري ! حتى لو كان السويسري فذ لعبه في مركزه الأساسي كجناح اللعب خطة 4-4-2 التقليدية ! لكن شنقول ! الحمار حمار !! الي بيعتمد على ماوري وليدسيما الي مالهم قلب يلعبون شنو بيكون ! أحمق ! وغرقان متمسك بغرقان ! ويبي يغرقنه ! |
مشاركة: ثالث خسارة .... من المسؤول ؟ [ أراءكم و تعليقاتكم ] أكتب هذا الكلام وأنا لحد الأن في كامل قوايا العقلية خلاص يا لوتيتو بكفي أربع سنوات من العذاب مع روسي صار عندي ضغط و شعري شاب من المدرب ...... هذا الكلام مو على شان النتائج السلبية في أخر ثلاث مباريات لكن خلاص المدرب ماعندة شيء يقدمة للفريق المدرب أستهلك كل ماعندة وصار يخبص ........ مباراة اليوم الفريق يلعب بدون روح على الأطلاق مادري شو السبب هو نوع من الغرور على البداية في الدوري الله أعلم - زراتي شكلة ماراح يعدي ال 6 أهداف - أشرك السيد منفرديني من قبل روسي مكان له داعي - الدفاع كل عادة * أذا كان مستوى الفريق راح يستمر على هذا المنوال فاستعدوا ياشباب إلى العودة إلى كأس أنترتوتو |
مشاركة: ثالث خسارة .... من المسؤول ؟ [ أراءكم و تعليقاتكم ] لم اشاهد المباراه لكي احكم على المستوى ولكن هدف يجي في مرمانا من سيفيليا المتدهور فنيا من مباراه بولونيا فاعتقد انه السبب الاول |
مشاركة: ثالث خسارة .... من المسؤول ؟ [ أراءكم و تعليقاتكم ] انشاء الله ربي يصبرنا على روسي هذا ... والله ياشباب كان في اي طريقة نرسلوا بها رسالة الى ادارة النادي قولونا عليها حتى نتحد بصوت واحد وهو( اقالة روسي) لأنه حان الوقت لذهاب روسي بعيدا عن لاتسيو نحن الان بحاجة الى مانشيني مدرب الانتر ولاعبنا السابق او خوان دي راموس مدرب توتنهام هوتسبيرز الي استقال امس او ...او...او المهم يكون مدرب من العيار الثقيل ...وشكرا |
مشاركة: ثالث خسارة .... من المسؤول ؟ [ أراءكم و تعليقاتكم ] ما أعتقد ان في مجال للاضافة بعد كلام الأخوة بس انزاجي والله انه يستحق مكان في التشكيلة لو كان في وقت زيادة يقدر يسجل روسي يجب أن يخرج من الفريق بنهاية الموسم |
مشاركة: ثالث خسارة .... من المسؤول ؟ [ أراءكم و تعليقاتكم ] اقتباس:
الله يكملك بقوة قلبك !! أنا واحد خلاص والله أنتظر خبر إقالة بفارغ الصبر أجزم أنه السبب !! مانشيني تكفى يا لوتيتو رجع مانشيني ول اخواندي راموس مثل ما قال الاخ!! |
| الساعة الآن 11:20 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir